Awe nochi ta eligi e proximo presidente di AVB

ORANJESTAD – Awe nochi Aruba ta conoce sea su presidente di Arubaanse Voetbal Bond (AVB) nobo, of ta keda cu e presidente actual. E candidatonan cu a postula nan mes pa e funcion maximo ta Kurt Thomas, Jairzinho Tromp y Richard Dijkhoff. Tabatin mas candidato cu inicialmente a postula nan mes pero despues a hala atras. Cada candidato a haci nan intento pa presenta nan mes na comunidad, presentando nan plan di maneho pa wak si e ta suficiente pa logra haya e votonan necesario pa nan haya e funcion. Cada un di nan tin nan calidad y nan merito. Dijkhoff tin e funcion actual, y Thomas ta den e directiva pues tambe ta hopi cerca di e liga caba.