CSE a pidi gobierno pa AVP tene su mes na regla pa entrega di lista

ORANJESTAD – Partidonan politico mester tene nan mes na regla diabierna ora di entrega di lista. Esaki ta encera nan horario di entrega lista, sino nan no por tin un permiso pa cana cu un ‘parada’ diabierna awor. Por lo menos esey ta e peticion cu Conseho Supremo Electoral a haci na prome minister Mike Eman, minister di husticia Arthur Dowers y Hefe di polis Dolfi Richardson pa medio di un carta. Esnan menciona den e carta ta responsabel pa orden publico.

E CARTA

E carta di dos pagina a wordo manda dialuna ultimo, cu e peticion specifico. Riba e peticion di CSE pues, a pidi Eman (cu por cierto ta lider di e partido cu a pone nan propio ora di entrega lista) pa tene cuenta cu e puntonan menciona. Nan ta recorda Eman cu e horario stipula di AVP pues ta 10:30 am y no 3 pm. No ta conoci pa e portal aki si partidonan a dicidi algo al respecto y si e partido berde lo recapacita y cambia nan horario bek pa esun original. Foto archivo di e conferencia di CSE di siman pasa.