Studiantenan di Aruba a yega Hulanda bon

Posted on 08/1/2017 12:44 pm AST | Updated on 08/1/2017 9:26 pm AST

DEN HAAG –Cu dos vuelo di KLM y un di TUI a yega awe 1 di augustus un cantidad di 193 studiante Arubano pa sigui un estudio avansa na nivel HBO of Universidad na Hulanda. Mayan 2 di augustus un grupo chikito mas di studiante for di Aruba lo yega Hulanda. Na Schiphol un delegacion consistiendo di directora di Gabinete di Aruba Shandra John, functionarionan di Departamento di Enseñansa di Gabinete di Aruba, studiementor y miembronan di e POC (Plaatselijke Opvang-commissie) a ricibi e studiantenan.

Sra John tabata den e sala di yegada pa saluda e studiantenan. Banda di a duna algun instruccion na e studiantenan pa ora nan bai coi nan maleta y sali pafor di e terminal, sra. John a recorda e studiantenan cu ki meta nan a bin Hulanda. ‘No ta tur ora elo ta bay ta facil, tin hopi reto boso dilanti, pero keda corda semper e meta pakico boso a bin Hulanda. Tambe corda na busca ayudo, conseho y guia na boso mentor y tambe na Arubahuis, ora cosnan no ta bai facil,’ asina directora di Arubahuis a bisa. Finalmente sra. John a desea e studiantenan tur clase di exito den nan estudio. Pafor di e sala di yegada e studiantenan a keda ricibi na un forma bon organisa y a haya instruccion di personal di Cas di Aruba y miembronan di e POC unda nan mester a para den grupo pa warda nan turno pa bay na e bus cu lo hiba nan na nan ciudad di estudio.

Diaranson 2 di augustus e studiantenan lo cuminsa cu e programa di “opvang” obligatorio, cual lo dura entre tres dia y un siman. Durante e dianan aki e studiantenan nobo lo haya e guia nesesario den nan ciudad unda pa sigur cuater aña of mas lo biba y studia. E prome aña e studiante ta ricibi guia di e studiementor, pero pa e resto di su estudio e ta cay bou di Gabinete di Aruba. Finalmenete Cas di Aruba kier a gradici functionarionan di Schiphol pa nan cooperacion excellente pa por a encontra cu e studiantenan y tur cos a cana masha liher mes. Ariba e website di Cas di Aruba www.arubahuis.nl tin un reportahe fotografico extenso di e yegada di e studiantenan.

  • Ronneke Kats a termina 4 Daagse di Nijmegen cu exito

    Ronneke Kats a termina 4 Daagse di Nijmegen cu exito

    NIJMEGEN - E representante pa fundacion Zinnia Croes h #amigodidi den e caminata mas popular di Hulanda esta e Nijmegen Vierdaagse, Ronneke Kats a completa su meta diabierna. Despues di 4 dia y 160km cana, Kats a raporta na NoticiaCla cu e ta satisfecho di a logra su meta. "Mi ta cla. Mi a haya hopi reaccion 'leuk'" Kate a bisa. Loke a hala su atencion ta riba e ultimo dia con Rubianonan riba e ruta tabata grita 'Fundacion Zinnia'. Hopi apart" Kats a sigui bisa. E caminata a cuminsa diamars y termina awe diabierna. Kats ta un di e hopi Rubianonan cu tambe a participa (tabatin militar y douanero di Aruba), pero e unico cu a representa e fundacion. Zinnia Croes ta e hobencita cu na 2015 a wordo alcansa pa un auto y cu a fayece a consecuencia di e heridanan ricibi. Loke a haci e caso mas serio ta cu e auto tabata maneha pa un polis cu lo tabata bou di influencia. Lo tabata, pasobra legalmente no por a proba cu e polis tabata bou di influencia di alcohol. Recientemente huez a haya e polis culpabel pa e morto di e hobencita, aunke pa motibo di fayo den e investigacion, no por a proba legalmente cu e tabata bou di influencia di alcohol. 

  • Comunidad Caribense rabia tocante pronunciamento di Blok: pidi despensa y tuma retiro

    Comunidad Caribense rabia tocante pronunciamento di Blok: pidi despensa y tuma retiro

    DEN HAAG – “Actitud indigno pa un minister di Asuntonan Exterior’, asina OCan ta yama e pronunciamentunan di minister Stef Blok (VVD) tocante Surnam i e comunidad multicultural. E fundacion na nomber di comunidad Caribense ta exigi despensa i un combersacion cu gabinete.

  • Produci producto local no ta mas barata cu si importa nan

    Produci producto local no ta mas barata cu si importa nan

    DEN HAAG – E produccion di productonan local den Caribe Hulandes (manera Aruba) di p.e. berdura y fruta of otro producto pa cultivo den cura, no ta no ta aporta na reduccion di gastonan di bida. Asina un rapport recien publica na Hulanda ta bisa. Asina e portal Koninkrijks relaties ta raporta diahuebs. No obstante e rapport aki, gabinete Hulandes a reacciona bisando cu pa promove produccion local como arma pa bringa pobreza.

  • Representante Fundacion Zinnia na 4 daagse na Nijmegen hayando hopi atencion

    Representante Fundacion Zinnia na 4 daagse na Nijmegen hayando hopi atencion

    NIJMEGEN – Un di e participantenan di e 4 daagse di Nijmegen esta Ronneke Kats, a termina su prome dia di e caminata cu exito. E ta representando fundacion Zinnia den e caso aki, y a splica NoticiaCla cu riba e prome dia, e la topa cu e militarnan di defensa di Aruba y Corsou. Tur cos a bay bon riba e prome di 4 dia. Segun Kats, e prome dia a bay bon. E ta canando cu e bandera di Aruba.”Y pa e motibo ey mi ta hayando hopi reaccion” Kats a sigui bisa. Kats a splica tambe cu hopi hende ta conoci cu su meta pa cual e ta canando, esta fundacion Zinnia. “Un di e militarnan di defensa mesora ora cu el a wak mi, a grita ‘Fundacion Zinnia, bo ta haciendo un bon trabou’” Kats a sigui bisa. Keda pendiente pa mas di e cobertura aki.

  • Fayo tecnico den produccion na Hulanda di paspoort Hulandes

    Fayo tecnico den produccion na Hulanda di paspoort Hulandes

    ORANJESTAD – Durante e produccion di paspoort Hulandes na Hulanda, den lunanan di april, mei y juni, a sosode un fayo tecnico. Asina gabinete di Gobernador y Censo a bisa diamars den un comunicado. Segun e comunicado, door di e fayo aki, tin e posibilidad cu den algun di e paspoortnan e caracteristicanan electronico di autenticidad den e chip, no ta funcionando. No tin ningun indicacion cu e fayo di produccion aki lo a causa problema na frontera, ora di controla e paspoort. E paspoortnan ta keda valido, aunke tin e fayo den e chip. Ta trata solamente di paspoortnan cu a wordo produci den e periodo di april, mei y juni 2018 cu e numero serial ta caba cu 3. E numero aki bo por wak e riba e parti dilanti di e pagina di e tenedo di paspoort banda robes ariba.

  • Gobierno Hulandes ta inverti 30 miyon euro den islanan BES

    Gobierno Hulandes ta inverti 30 miyon euro den islanan BES

    DEN HAAG – Gobierno Hulandes a pone 30 miyon euro disponibel pa inverti den islanan BES. E prioridad lo ta mehoracion di e perspectiva economico door di drecha infrastructura, y bringa pobreza. Asina minister Houten y Secretario di estado Knops a skibi Tweede Kamer den un carta diabierna. .

  • Powered by SETAR