Secretariado CFT a presenta reportahe finanza publico na gobernador interino

ORANJESTAD – Manera anticipa, diabierna secretario di College Financieel Toezicht (Colegio Supervision Financiero) a presenta na Gobernador interino, Su Excelencia A.A. Tromp-Yarzagaray, e rapport cu investigadonan di e secretariado a formula, relaciona cu un investigacion cu nan a ehecuta riba encargo di Gobernador. E investigacion aki tabata concentra riba realidad di e calculacionnan den e presupuestonan di aña 2014 y riba e desaroyo di mas aña di finansa publico di Aruba, cu Parlamento a aproba. Gobernador a laga ehecuta e investigacion aki, despues cu dia 11 di juli 2014 a dun’e orden pa haci esaki mediante un Decreto Real.

Diabierna Gobernador interino a entrega e rapport na Minister di Finansa y Organisacion Gubernamental y na Conseho di Minister di Reino. Na mes momento Gobernador interino a invita Conseho di Minister di Aruba pa prepara un modificacion den e Presupuesto 2014 di Aruba y pa entrega esaki na Conseho Consultativo denter di e periodo di tres siman cu ta menciona den e Decreto Real. Lo publica e rapport aki riba e dia cu ta entrega e proposicion pa modificacion di e Presupuesto 2014 di Aruba na Parlamento pa tratamento. Foto ta uno di archivo di CFT na Corsou durante conferencia di prensa recien. Foto cortesia Dick Drayer.