STA: Un ora pa otro por spera accion na Elmar

ORANJESTAD - Un ora pa otro por spera accion na Elmar. Asina presidente di sindicato STA Diego de Cuba a bisa NoticiaCla. Motibo di esaki ta cu e gerencia di e compania di utilidad ta actuando terco. "Y pa e motibo ey, por spera accion un ora pa otro na Elmar" de Cuba a bisa. Segun e lider sindical, practicamente 80% a afilia na STA y mas 90% a retira for di UEA. "Te cu awe STA tin 97 miembro di 126 y tin mas cu 110 empleado cu a entrega su retiro for di UEA. Gerencia di ELMAR ta haci terco y aparentemente no kier reconoce sindicato STA. E situacion ta mustra cu lo e bay desenboca den un accion locual ta di lamenta" de Cuba a finalisa bisando.

SITUACION

Segun de Cuba, durante un reunion siman pasa diaranson anochi ela haya e mandato pa manda e mensahe di accion ey pa e gerencia. Un carta a bay pa e gerencia cu e mensahe ey. E carta ta bisa pa reconoce e sindicato, sin tin cu bay door di e proceso di referendum, pasobra esaki ta tuma mucho largo. E siman aki ora cu e portal aki a papia cu e presidente, ela mustra cu cos ta mas serio cu nunca aworaki pa cu un accion.