Merca a dal Venezuela cu sancion pa a sigui cu constituyente

WASHINGTON – Gobierno Mericano, cumpliendo cu nan promesa di siman pasa, a dal presidente di Venezuela Nicolas Maduro cu sanccionnan financiero awe. E motibo principal ta e hecho cu Venezuela a sigui toch cu nan eleccion pa e constituyente cu intencion pa duna Maduro su partido na mando, poder sin limite. E minister di finanza di Merca a bay asina leu di yama Maduro pa dictador. E sancion ta nifica entre otro cu ta congela tur propiedad di Maduro na Merca (si e tin), y di por lo menos 13 otro oficial halto di e administracion Venezolano. Ademas ta prohibi Mericanonan pa haci comercio cu e pais y specificamente esnan sanciona. NoticiaCla a busca tanto comentario di minister Richard Arends y director di Refineria di Aruba Alvin Koolman, pero ainda ningun di nan no a debolbe nan yamada. Foto CNN