Telearuba y FTA ainda no por haya otro riba referendum

ORANJESTAD – Gerencia di Telearuba no a tene palabra y awor sindicato ta palabrando otro fecha pa tene referendum. Awe mainta sindicato FTA a sinta cu gerencia di e planta di television, pa confirma e loke a keda aproba diabierna ultimo, esta cu den 14 dia, por tene un referendum sin cu e tin cu cana e proceso largo. Pero pa sorpresa di e sindicato, e gerencia a splica NoticiaCla cu gerencia a bisa cu diripiente nan a bruha den fecha y cu mester pone otro fecha. Hubert Dirksz como presidente a splica e portal aki cu a papia enberdad di 14 dia, pero mester ta 14 dia di trabou. “Esey ta hiba nos na 18 di augustus cu ta riba un diabierna. Nos a propone e ora pa e referendum tuma lugar dia 21 of 22 di augustus” Dirksz a bisa. Awor ta wardando contesta di gerencia pa wak si nan ta bay di acuerdo. No ta kita afo cu e trahadornan no kier warda mucho y cu si e fecha wordo aplaza mas ainda, cu esaki por desemboca den un welga di e trahadornan. A keda di tende un contesta di gerencia awe tardi ainda.