Constituyente a haya 8.089.320 voto, pero cu 16 morto

CARACAS – Segun cifranan di gobierno di Venezuela 8.089.320 Venezolano a vota pro e constituyente. Mes momento a registra cantidad di morto (total di 16) relaciona directamente cu e votamento. Ta trata di mortonan den 5 estado Venezolano cu ta 6 na Táchira, 5 na Mérida, 2 na Zulia, 2 na estado Lara y 1 na estado Sucre.

MERCA

Mientrastanto gobierno Mericano a emiti un comunicado, condenando e votamento ayera. “Merca ta condena e eleccion impone riba 30 di juli pa e asamblea nacional constituyente, cu ta diseña pa reemplasa e asamblea nacional democraticamente eligi, y cu ta mina e derecho di e Venezolano di auto determinacion. Merca ta para tras di e pueblo Venezolano. Nos lo continua tumando accionnan duro y serio contra e arkitectonan di autoritarismo na Venezuela, incluyendo esnan cu a participa na e eleccion”.

VENEZUELA

Mientrastanto e minister di poder popular pa relacion exterior di e republica Bolivariana di Venezuela, Samuel Moncada a exigi respet di Merca, despues cu ela emiti e sancionnan contra e institucionnan di estado. Foto cortesia VTV, Runrunes,