Negoshi na Tanki Leendert victima di ladronicia di lingerie

TANKI LEENDERT – Den fin di siman otro negoshi a bira victima di ladronicia. E biaha aki ta trata di e negoshi ‘You And Me Lingerie Boutique", situa riba e strip riba Tanki Leendert, pabou di Jaced Wheels. Ta trata di hombernan cu a drenta horta lingerie, baby doll brazier y panty. Na tur, entre daño y mercancia horta, ta suma AFL 3250,- segun e doñonan a informa NoticiaCla. E negoshi tin ekipo di seguridad, unda cu ta wak e trabou di e malechornan aki. E doñonan ta mustra cu e acto aki a dal nan duro, siendo un negoshi chikito di entrepreneur, pero cu nan ta sigui lucha dilanti.