Wever: Retiro repentino di candidato no ta crea crisis den MEP

ORANJESTAD - Wever a splica NoticiaCla awe tardi cu e retiro repentino di Mireille St Jago for di MEP, no ta un situacion di crisis den partido. Ela repasa e trayectoria di St Jago, unda cu a mustra cu e persona no ta uno facil pa deal cu ne. Su prestacion ultimo eleccion no tabata mucho bon (77 voto) riba posicion basta halto di # 12. Ademas durante e ultimo 6 luna ela bishita apenas 1 cas, segun Wever. Sigur esey no ta yuda pa bo por supera e cantidad di voto cu mester. A establece un politica cu bo mester tin por lo menos 200 voto ora cu bo ta abou riba lista, y enberdad a pidi e (y mas persona) pa cambia di posicion. A yama St Jago pa oportunista pasobra awe mainta ainda e topico di discriminacion no tabata al caso. “Ta duel nos cu un di nos candidatonan ta bay, pero nos ta sigui padilanti” Wever a sigui bisa.