Critica atrobe riba preparacion studiantenan biahando pa Hulanda otro siman

ROTTERDAM – Otro siman dialuna 31 di juli, e grupo di studiante di Aruba ta biaha pa Hulanda pa continua cu nan estudio avansa. Y manera ta e caso tur aña, tin problemanan cu a keda manifesta di esnan cu no ta di acuerdo cu e situacion di preparacion. For di ayera tin gruponan di sea studiante, mayornan y instancianan ta raportando nan preocupacion riba rednan social, pa cu e biahe di e proximo grupo di studiante. Un di nan ta e grupo ROCAS (Rotterdam Opvang Commissie voor Arubaanse Studenten) cu ta e grupo di studiante cu ta yuda bursalen di Aruba na Rotterdam. Un otro grupo ta di mayornan cu ta papia di cu tin entre 20 pa 40 studiante cu lo no a haya cupo pa bay Hulanda, riba e mesun avion cu un otro 180 studiante. Pa loke ta e grupo di ROCAS, e comunicacion cu no tin for di Aruba ta nan problema. “A nos di ROCAS  ta sumamente desapunta den e forma cu nos bursalen ta wordo trata na nos pais Aruba” e grupo ta bisa. “Studiantenan ta contacta nos, tur desespera, paso ta wordo priminti cu nan ta riba vuelo dia 31 benidero, ayera nochi ta haña un telefoontje cu jammer maar helaas, vuelo ta yen” e comunicado ta sigui bisa. Informacion for di Aruba sinembargo cu NoticiaCla a haya, ta cu e informacion ey no ta corecto, y cu tur studiante tin lugar pa biaha. Sea ta riba un avion of mas buelo. ‘Pero tur studiante tin lugar’, e portal aki a wordo bisa.

KEHO PA GOBIERNO

Segun e grupo, ‘ministernan, parlamentarionan, diferente a bin Hulanda sinta cu nos, tende nos preocupacion, saca potret masha leuk mes, pero nos no ta sinti ningun diferencia. Al contrario, pio so e ta birando’ e grupo ta sigui bisa. NoticiaCla a compronde cu prome cu mainta caba, Directie Onderwijs lo bin cu un comunicado riba e tema aki. Esaki pa aclarea e cantidad di informacion cu lo ta circulando, di cual mayoria lo ta eroneo y ta bruha e situacion di e studiantenan. Por a compronde cu esaki ta algo cu ta sosode anualmente ora cu e studiantenan tin cu biaha pa Hulanda. Falta di cupo ta bira un issue, sigui pa falta di lugar pa keda pa e studiantenan.

REACCION GOBIERNO

NoticiaCla a compronde cu prome cu mainta caba, Directie Onderwijs lo bin cu un comunicado riba e tema aki. Esaki pa aclarea e cantidad di informacion cu lo ta circulando, di cual mayoria lo ta eroneo y ta bruha e situacion di e studiantenan. Por a compronde cu esaki ta algo cu ta sosode anualmente ora cu e studiantenan tin cu biaha pa Hulanda. Falta di cupo ta bira un issue, sigui pa falta di lugar pa keda pa e studiantenan. Mes momento a informa cu e asunto cu tin 180 studiante riba un solo avion, y cu posiblemente 20 no ta riba e mesun buelo, no mester ta causa pa alarma ya cu tur cos ta regla y cu tur studiante tin un cupo riba avion. Foto ta di archivo di NoticiaCla di e studiantenan di aña pasa cu a biaha pa Hulanda.