Avianca a dicidi awor pa stop buelonan pa Venezuela awe caba!

BOGOTA – Envez di para e operacion di buelo pa y for di Venezuela otro luna, Avianca a dicidi awe cu ta para e operacion entrante awe caba. Segun un boletin emiti pa e aerolinea, esaki ta debi na ‘operacion limita registra e ultimo oranan’. Esey a obliga e aerolinea pa para tur cos mesora. “Esey ta inclui ciere di benta di pasashi tambe” e boletin ta sigui bisa. E aerolinea lo acomoda tur pasahero perhudica riba otro buelonan, e comunicado ta finalisa bisando. E ta un medida basta drastico, specialmente mirando cu ta apenas un dia prome, e aerolinea a anuncia cu ta te dia 16 di augustus proximo ta para e operacion pa Venezuela.

E CANCELACION ANTERIOR

Manera NoticiaCla a raporta un dia anterior, e aerolinea Colombiano Avianca a anuncia diaranson cu nan ta cancela buelo nan pa y for Venezuela entrante otro luna. Den un comunicado emiti diaranson, e aerolinea a mustra cu entrante 16 di augustus proximo tur buelo pa y di Caracas y Lima (Peru) y visa versa lo keda cancela. A cita ‘dificultad pa operacion den area di Venezuela' como e motibo. E presidente Hernán Rincón ta pidi despensa pa despues di 60 aña di operacion, tin cu recuri na un decision asina.