Avianca ta suspende tur su buelonan pa y for di Venezuela

ORANJESTAD/BOGOTA – E aerolinea Colombiano Avianca a cancela su buelo nan pa y for Venezuela entrante otro luna. Den un comunicado emiti awe, e aerolinea ta mustra cu entrante 16 di augustus proximo tur buelo pa y di Caracas y Lima (Peru) y visa versa lo keda cancela. Ta cita ‘dificultad pa operacion den area di Venezuela como e motibo. E presidente Hernán Rincón ta pidi despensa pa despues di 60 aña di operacion, tin cu recuri na un decision asina drastico.

DECISION

Avianca por bula si ‘mehora e situacion segun standard internacional na Venezuela’, entre otro e infrastructura, y garantisa consistencia di e operacion. Cu esaki den mente, por eventualmente pensa pa reanuda buelonan pa e pais Andino. Aunke e aerolinea no ta haci mencion cu nan lo tin pensa di reactiva buelonan si e situacion ey drecha. Pasaheronan cu a book buelo despues di dia 16 di augustus ta wordo reembolsa pa e compania.