Wyatt-Ras: Ta condena maltrato recien di politico femenino

ORANJESTAD – Presidente di Parlamento Mervin Wyatt-Ras ta condena maltrato. Ela menciona e caso recientemente di e politico femenino awe den un conferencia di prensa. Segun Wyatt-Ras nos no por tolera esaki y tin cu traha alabes na prevencion.

Wyatt-Ras ta trece padilanti cu maltrato por sosode cerca tur hende. Nos tin cu preveni maltrato desde chikito door di ekipa nos hobennan for di chikito pa defende nan mes. Esaki door di informacion y fortifica nan auto-estima. Wyatt-Ras ta trece padilanti cu nos tin cu preveni bullying tambe. Wyatt-Ras a menciona e diferente leynan cu e mes a traha ariba nan pa proteha nos hende muhernan, manera e cambio di nos Codigo Penal pa loke ta trata delitonan moral den cual abuso sexual di hende muher den matrimonio a bira castigabel y e ley di stalking.