Trahadornan di Telearuba malcontento y kier FTA bek

ORANJESTAD – Trahadornan di Telearuba ta disgusta y kier representacion di un sindicato. Presidente di sindicato FTA Hubert Dirksz a confirma pa NoticiaCla dialuna anochi cu e gerencia di e canal di television ta resisti y ‘no kier reconoce’ FTA sin cu ta bay referendum’. For di otro fuente, e portal aki a compronde cu tin basta ‘iregularidad’ tumando lugar na e planta, cu a pone cu e trahadornan kier un representacion sindical bek. Algo cu nan tabatin 40 aña. Pero cu entrada di SETAR, esaki a caba tambe. E sindicato tin reunionnan planea mayan mainta cu e mediado di gobierno y gerencia di e canal pa wak con por resolve e situacion laboral cu tin na e planta.