Knoops y Vaders: Tin masha argumentonan valido pa casacion caso Babel

WILLEMSTAD – “Un prome analisis di e veredictonan di Hof den caso Babel door di Abogadonan y mas expertonan di e defensa ta siña nos cu tin masha hopi argumento fuerte y visibel pa casacion y cu lo conduci na destruction di e veredictonan den Corte di Casacion” Asina e abogadonan di sospechosonan Gerrit Schotte y Cicely vd Dijs, esta Gert Jan Knoops y Marije Vaders a bisa den un declaracion cortico, despues di e sentencia di diabierna ultimo.

PREGUNTANAN

Segun e abogadonan, den e proceso di Casacion lo bin preguntanan huridico fundamental na ordo di dia, cu Hof na Corsou a husga di forma incorecto. E preguntanan huridico aki ta mishi cu nos leynan di Corsou y di nos sociedad y ciudadania. Na banda di esaki tambe tin puntonan di casacion importante cu ta mishi cu leynan internacional.

SCHOTTE Y VD DIJS

Mientrastanto e comunicado tabata acompaña di un ‘nota personal’ di tanto vd Dijs y Schotte. “Nos, Cicely van der Dijs y ami, ta completamente convenci cu e veredictonan den nan forma actual no lo keda para”.