A detene 47 Venezolano ilegal na un compleho di apartamento

ORANJESTAD – Arestatie team a detene 47 Venezolano ilegal awe mainta. Segun informacion di polis awe tardi, a informa cu awemainta a wordo teni un inval na Uruguastraat number 4, a base di un informacion cu a yega na e onderzoeksteam di UGC (Crimen Organisa).

ARRESTATIE TEAM A WORDU UZA PA DRENTA

Ta trata di un cas cu ta full geschot y pafor tin 4 apartamento. Den e lugar aki AT a bin haña diferente hende homber y muher. Nada di mucha. Resultado ta cu 49 hende a wordo aresta di cual 47 ta ilegal. Nan tur ta Venezolano y no a wordo haña nada di arma of articulo horta. Riba un di nan polis a bin haña un tiki marihuana. E lugar ta sushi, y no ta adecuado pa acomoda tanto hende asina creando un situacion di bida inhumano pa esnan envolvi. 

PROCESO DI DETENCION Tur e hende nan aki a wordo transporta pa Gerechtsgebouw y despues di a ser atendi a wordo pasa pa Guarda Nos Costa pa verdere afhandeling. Na e accion a wordo uza personal di differente departamento, e.o. UGC (Crimen Organiza), TBP (Atraco), WI (Woninginbraak), Flexi Team, K9 y CEA. Tambe tawata t'ey presente OvJ y RC pa binnentreden y huiszoeking.