NHC: Tormenta tropical Don a debilita considerablemente

ORANJESTAD – Tormenta tropical Don a debilita considerablemente y ta premira cu e lo degenera den un area di presion abou laat diaranson of diaranson anochi. Asina National Hurricane Center ta raporta den nan boletin di 11’or di mainta. Awe mainta e centro di e tormenta tabata ubica na 11.5 grado North, 58.0 grado West. Don ta moviendo den direccion di nos islanan ainda. Di parti di METEO Aruba ta informa cu aunque DON a debilita, lo mester sigui e raportahe di tempo local tog, pa cambionan relata na aire humedo y instabil ora e ola ta den nos vecindario. Tambe porta tin un aumento den biento manera mas biaha ta e caso na Aruba. Pero e datos nan ey lo wordo poni den e boletinnan normal di Meteo si ta necesario.