A trata diferente topico interesante durante AHATA su reunion cuartal di miembrecia

A trata diferente topico interesante durante AHATA su reunion cuartal di miembrecia

Posted on 07/17/2017 4:50 pm AST | Updated on 07/17/2017 11:54 pm AST

ORANJESTAD - AHATA a organisa un seminario pa tur su miembronan unda cu nan a ofrece 4 diferente presentacion di topiconan hopi interesante y actual. KIA a ofrece un presentacion con pa rehabilita presonan, mientras cu Aeropuerto Reina Beatrix a bin cu un presentacion tocante expansion di aeropuerto, ATA a trece dilanti e diferente proyecto cu nan a traha y nan ta trahando riba dje como Destination Management y Rampen Bureau a duna un presentacion tocante relacion entre industria di turismo y structura nacional di emergencia.

Miembro di directiva di AHATA, Paul Gielen, a haya cu e seminario a bay bon unda cu tabatin 4 presentacion y hopi di e topiconan tabatin di haber turismo. AHATA tabata busca tambe pe banda di miembrecia pa asina nan por haya informacion cu ta yuda nan den nan negoshi. “E idea ta cu pa cada 3 luna tin un programa. Nos ta scucha di nos miembronan cu si ta algo cu nan kier manera mas training, informacion over di turismo, etc. y a base di esey nos ta pone hunto e seminario aki cada 3 luna”, Paul Gielen a expresa.

Prome cos cu hotelero nan ta pensa riba dje ta e siguridad pa nan clientenan y KIA kier trece hende bek den sociedad. Paul Gielen a expresa cu hotelnan of empresanan tambe kier pa esey pasa y si nan por yuda combati y preveni, KIA por conta cu nan.

Sales manager KLM di Aruba, Corsou y Bonaire, Danilo de Freytas, tabata presente na e presentacion di AHATA di cual tabata bon pa tur hende sa riba e “updates” pe plannan cu tin pa upgrade Aruba su producto y Danilo de Freytas a haya cu esaki tabata uno hopi interesante. E parti cu mas a hala e atencion di Danilo de Freytas tabata e parti di e plannan cu tin pa mehora e servicio, bin cu mas gates, pa bin cu mas aerolinea y pa asina por atende cu mas pasahero.

E problema cu semper tin ta cu si hisa e gastonan, hopi hende ta bira mas sensitivo cu prijs. “Si hisa e gastonan atrobe esey ta yega na un momento cu bo por “out price” bo mes. Awendia bo mester hopi cauteloso cu esey”, Danilo de Freytas a expresa. Pa aerolinea e mehoracion lo bay ta mas enfoca riba e mercado Americano. Pa loke ta e prijs di tax mester subi e lo conta pa tur aerolinea, esnan cu ta bula pa Europa, Caribe, Sur America y etc. Danilo de Freytas a expresa.

E presentacion di AHATA tabata hopi bon y informativo, Adelita Erasmus di Diamonds International a expresa. E cambio cu lo bin pa Diamonds International lo ta hopi bon, pasobra e temporada slow ta drentando. Diamonds International ta traha hopi cu crusero un of dos biaha pa siman.

  • Demolicion di edificionan di Colegio Frere Bonifacius a cuminsa

    Demolicion di edificionan di Colegio Frere Bonifacius a cuminsa

    ORANJESTAD – Diabierna e edificionan di Colegio Frere Bonifacius a pasa pa pasado. Esaki ora cu a benta esakinan abou pa traha e scol di nobo. Minister Rudy Lampe a pasa un rato y tira un bista riba e trabaonan cu a cuminsa pa e demolicion di e edificionan cu ta afgekeurd. E scol a wordo ubica na un otro luga y pa 7 aña no a haci ningun intento pa trece e scol bek. E intencion ta pa traha e scol bek y convirtie den un "smart school" na unda cu lo tene cuenta cu digitalisacion y desaroyo sostenibel y cu lo wordo aplica den e re-ubicacion na e adres di origin segun e mandatario.

  • Chauffeur di truck a hera drenta e truck den un cas na Dakota

    Chauffeur di truck a hera drenta e truck den un cas na Dakota

    ORANJESTAD – Pa falta di preferencia di un otro auto, e chauffeur di un truck di Setar diabierna atardi por poco a drenta e truck den un cas na Dakota. Tabata e chauffeur di un v- Car Nissan Tiida a yega na cruzada di Dadelstraat/Avenida Juan Pablo II y no a para pa duna preferencia. Testigonan ocular a bisa cu e chauffeur di e truck tampoco no tabata core poco poco y como tal no por a evita e accidente. El a purba hala pero toch a alcanza e auto, bay benta cura di un cas eynan abou y hera drenta den e cas mes. Pa straño cu por zona, ningun hende a sali herida, pero e daño material tabata grandi si.

  • DOW: Fin di augustus problema di awa na rotonde Cumana ta soluciona!

    DOW: Fin di augustus problema di awa na rotonde Cumana ta soluciona!

    ORANJESTAD – Pa fin di augustus di e aña aki, e plan di drenahe di awa na e rotonde di ex Codemsa lo ta cla y por mira cambio. Asina director di Dienst Openbare Werken (DOW) Marlon Croes a bisa. Croes a reacciona riba e raportahe di NoticiaCla e siman aki cu un biaha mas awacero a converti e area den un piscina. Segun Croes, trabou ta andando ainda y pesey no a mira e cambio. Pero ora cu e trabou ta cla, e ora por mira e solucion tambe pa e problema di awa cu ta keda para ora di un palo di awacero.

  • Experiencia gastronomico na Hilton Aruba Caribbean otro siman

    Experiencia gastronomico na Hilton Aruba Caribbean otro siman

    PALM BEACH - Chef ehecutivo Matt Boland y e brigada culinario di Sunset Grille Restaurant na Hilton Aruba Caribbean Resort & Casino lo host un experiencia gastronomico, un four-course wine pairing dinner conhuntamente cu The Wine Room. E evento lo yuda presenta e productonan legendario di Creekstone Farms na un audiencia local di Aruba. Chef Boland recientemente a acerca e farm den un esfuerso pa incorpora nan carni baca y carni porco di alta calidad na Estados Unidos, den e cushina di Sunset Grille. E farm ta cria e mihor Black Angus y Natural Duroc Pork y ta aplica practicanan excepcional di criadero di porco y baca pa crea un alimentacion di calidad halto cu ta wordo controla cuidadosamente y un procesamento moderno.

  • Botica di Servicio tin Stock di e Vacuna Contra Keintura Geel

    Botica di Servicio tin Stock di e Vacuna Contra Keintura Geel

    ORANJESTAD: Recientemente Seccion di Malesanan Contagioso (Dienst Besmettelijke Ziekten) a informa cu e vacuna conta Keintura Geel (Yellow Fever) a caba. E vacuna aki ta mandatorio pa tur pasahero cu ta bin for di Centro America, Sur America y paisnan den e continente di Africa.

  • Bunita evento cultural na Cas di Cultura dia 20 di Juli awo.

    Bunita evento cultural na Cas di Cultura dia 20 di Juli awo.

    (ADVERTORIAL)

  • BDC1
  • Powered by SETAR