Cu experticio di Aruba, a entrena cachonan di polis na St Maarten

PHILLIPSBURG – Riba peticion di St Maarten, autoridad di Aruba a biaha pa e isla y a entrena tres cacho y nan manehador y a certifica nan tambe. Ya na yegada di e ekipo na St Maarten, e cachonan a mustra (specialidad di busca droga y arma) exitoso ora cu nan a logra gara arma cu polisnan prome cu esey, no por a localisa. E dos cachonan rastreado y un cacho di vigilancia ta ricibi e siman aki, como parti di e clausura di e entrenamento arubano, un parti di practica y ‘coaching on the job’ di un docente di Aruba. E proximo organisacion internacional cu a solicita ayudo di Aruba, ta e departamento coreccional di Surnam. Un peticion di parti di Surnam ta den tratamento actualmente pa wak si ta honra e peticion aki tambe.