Partidonan a tira lot pa debate, y AVP lo ta e gran ausente

ORANJESTAD – Tur cos ta cla pa e debate di millennials. E gran ausente ta bay ta AVP cu diaranzon anochi a confirma publicamente cu e no ta bay ta presente. Mientrastanto participantenan a tira lot y a saca nan respectivo number pa diahuebs anochi. E comision organizador di e "Millenial Debate" a gradeci tur lider di partidonan of partidonan cu a manda un representante pa asina trek lot pa e "Millennial Debate" mayan na Cas di Cultura. E secuencia di debate cu ta bay tuma lugar di 13 di juli. E resultado (no obstante e hecho cu AVP a retira) ta sigui intacto y ta lo siguiente:

1. RED

2. AVP

3. MEP

4. PPA

5. MAS

6. RAIZ

7. CURPA

8. UPP

9. ABO

10. POR Lot pa AVP cu PPA a wordo representa temporalmente pa dos miembro di e comision organizador como cu nan no por tabata tey presente. A compronde cu den oranan di mainta e comision lo reacciona riba e hecho cu AVP ta afor. A bisa tambe cu si AVP no tey, lo tin un plan B, aunke cu e ta afecta e debate. Nan a desea tur partido exito mayan y alaves kier invita pueblo henter pa sintoniza e debate cu lo cuminsa pa 7 or di anochi na Telearuba