Cel di prizon di Venezolano Leopoldo López cambia pa huisarrest

CARACAS – E prizonero politico mas prominente di Venezuela Leopoldo López, a wordo libera di un prizon militar diasabra mainta y transferi den un aresto domiciliario, esta huisarrest. E paso aki a sorprende tur hende, incluyendo periodistanan Venezolano, segun nan a informa NoticiaCla awe mainta. E paso aki por stimula e protestanan contra gobierno di president Nicolas Maduro. Aliadonan politico y un di e abogadonan di Lopez a bisa cu e ta un señal cu e gobierno ta cayendo. Sinembargo e motibo ‘oficial’ duna, ta motibo di salud di Lopez. E decision di gobierno tabata un consesion unilateral di gobierno di Venezuela, segun un di e abogadonan di Lopez, Jared Genser. Lopez a keda encarcela na 2014, y a haci un apariencia breve pafo di su cas, y cu un bandera grandi di Venezula. Pero e no a haci ningun declaracion. Parti di e condicion di su libertad, tabata prohibicion pa duna entrevista y haci comentario. Sinembargo, segun su abogado, Lopez no tabata dispuesto pa duna su libertad y di Venezuela. “Y si esey ta nifica cu mi tin cu bolbe den e prizon na Ramo Verde, lo mi haci esey”. Foto cortesia Juan Barreto/Agence France-Presse