Luydens: No tin peliger cu uzo di ID nummer riba internet

ORANJESTAD - "E registro di votador ta publico. Pero pa privacidad nos no a pone e adres den dje". Asina hefe di Censo Sharin Luydens a bisa NoticiaCla.com, reaccionando riba e remarke cu a surgi riba rednan social, awor cu tur hende por mira si nan ta registra pa vota. El ma crea e pregunta cu si esaki por crea problema cu informacion y of mal uzo di esaki publicamente. Pero segun Luydens, esaki no ta un problema. Luydens ta referi na articulo 10 jo. 11 di e kiesverordening. 

NO TIN PROBLEMA CU INFORMACION

Segun Luydens, e hecho cu un persona tin aceso na otro su 'ID nummer, no ta haci daño. " Cu solamente un ID nummer na Aruba bo no por haci nada. E ID nummer no ta e unico number unico di un persona tampoco" Luydens a bisa. " Tambe E ID nummer no ta comparabel cu un DigiD ni tampoco un social security number. Hasta un social security nummer no ta algo cu mag di wordo tuma sin mas pa haci transacion. Pero esey ta un materia mas complica pa bay splica" e hefe a sigui bisa. " Nos a haci e tool aki den buena boluntad pa e comunidad eyfor haci un bon uzo di dje pa wak si nan tin e derecho di voto. Nos tambe sa cu nos no lo haci algo pa pone hendenan nan identidad na peliger" Luydens a finalisa bisando.