Richardson: Ta conoci cu polis sa traha overtime structural henter aña

Richardson: Ta conoci cu polis sa traha overtime structural henter aña

Posted on 07/6/2017 11:31 pm AST | Updated on 07/7/2017 1:02 am AST

ORANJESTAD - "Si ta conoci cu polis sa traha overtime structureel" Asina alto mando, esta Korps Chef Dolfi Richardson a bisa NoticiaCla diahuebs anochi brevemento. Esaki pasobra mes momento, ela mustra cu elo a prefera no toca e temanan aki publicamente awor pa motibo cu cuerpo ta na luto pa morto di nan colega. E ta papia di e criticanan cu ela tende den su direccion riba varios tema. Pero pa reacciona awor den detayes, Richardson no ta considera etico. No obstante, a duna un comentario breve riba e tema. Entre nan e asunto di overtime, cu segun Richardson, no ta nada nobo. 

MAS BLAUW RIBA CAYA

Segun Richardson, e ta admiti cu tin overtime, pero esaki ta en conexion cu 'meer blauw op straat'. "Nos di leiding ta trata di zorg pa un minimum kandidat di personeel per dienst. Esey ta trece cu ne cu nos mester draai overtime" Richardson a bisa. Pa loke ta e asunto di vakantie tin di haber cu e aña di eleccion. "Ta for di años asina cu den temporada di eleccion nos no lo duna vakantie. Esey nos a comunica den dienst long time ago. Semper por hasi uitzondering" Richardson a sigui bisa. 

NO TA NA ALTURA DI E DISGUSTO DEN CUERPO

Ora cu a puntra Richardson, si e tabata na altura di e malcontento, el a bisa "Not at all. Te ainda mi ta wardando riba mi prome reunion cu SPA" Richardson a bisa.  "Nan a pidimi un reunion y mi a keda cu ful mi staf ta wardando riba nan y te ainda mi ta wardando. Normalmente SPA ta trece su puntonan schriftelijk pa dilanti y nos di leiding ta reaciona riba esaki". Di otro banda SPA su presidente Edgar Maduro a bisa cu a reuni cu Richardson, pero cu e no a duna nan respet. "No ta berdad. Mi ta tabata ocupa awe mainta den un reunion referente e examen commissie. Diripiente un paar di miembronan di e sindicato a drenta e oficina (na opleidings school), pidiendo informacion riba e desicion di leiding pa manda algun di nan coleganan cu ta graduando pa e N4 diploma, pa e seccion di detective" Richardson a bisa." Esey ta loke nan tabata kier a papia ariba. Pues mi a pidi nan pa warda un rato pa mi caba cu e reunion di e comision di examen pasobra nan a warda basta pa e reunion. Prome nan (SPA) a compronde, y despues a dicidi cu nan tabata kier mi atencion mesora" Richardson a bisa. "E momento ey mi a bisa nan pa mustra decencia y warda te ora cu e caba cu su reunion. Nan a bandona y a bisa cu 'e cos ki no ta keda asina' " .E situacion como tal ta tenso den cuerpo, y no sa con lihe esaki por keda soluciona. Di parti di e sindicato, a compronde cu nan ta bay manda un carta cu algun exigencia y ta spera un contesta pronto.

  • Lito Laclé: Accidente ‘hit & run’ ultimo dos aña a aumenta

    Lito Laclé: Accidente ‘hit & run’ ultimo dos aña a aumenta

    ORANJESTAD – Ultimo dos añanan e trend di hit & run ( polis ta yame aanrijding met doorrijder) a aumenta basta segun vocero do polis Lito Laclé. Un di motibonan principal segun Laclé, ta cu e automobilista cu ta causa e accidente, no tin papel manera debe ser. Esaki a pone cu e korpschef nobo Andrew Loo a dicidi pa subi mas polis riba caya, y tin asina mas control di trafico manera cu a tuma lugar ultimo dos simannan. Parti di e control, segun Laclé ta pa e persona cu haya su mes den un accidente, ta sigur cu e partido cu a ocasiona e accidente, su documentonan ta na ordo.

  • Aruba ta registra di dos morto di trafico pa 2018

    Aruba ta registra di dos morto di trafico pa 2018

    ORANJESTAD - Aruba ta registra su di dos morto di trafico pa 2018. Dialuna dia 16 di april 2018 den oranan di atardi a sucede un accidente na Meiveld na altura di ex Kong Fui supermarket entre dos auto. Un hyundai i10 color shinishi y un kia pick-up color blanco. Ambulance a logra stabilisa tur e 3 victimanan di e accidente y transportanan pa hospital. Polis di trafico a presenta na e sitio y a hasi nan investigacion. Ayera diaranson anochi lamentablemente pa 23:20 dr Peterson a constata morto di e señora chauffeur di e hyundai i10. Ta trata di señora Johanna C. Pourier-Croes naci 5 mei 1952 ,Aruba. Cuerpo Policial ta manda palabra di condolencia na famianan di e fayecida.

  • Polis a duna 242 multa durante un control grandi di trafico

    Polis a duna 242 multa durante un control grandi di trafico

    ORANJESTAD - Awemainta a tuma lugar un control di trafico na diferente parti di nos isla. E intencion di esaki ta pa incentua mas e visibilidad di Cuerpo Policial ariba caya. Diferente departamento a uni pa haci esaki manera Departamento di Trafico, Surveillance Dienst San Nicolas, Motor Unit, Flex Team, K-9 Unit, Departamento di Transporte Publico, BFO/Afpak Team, CEA y Cuerpo Policial Aruba.

  • Dos Latino a tira atraco riba Driemaster Lottery

    Dos Latino a tira atraco riba Driemaster Lottery

    ORANJESTAD - Dos homber Latino a tira atraco riba Driemaster Lottery diasabra anochi. Asina vocero di polis Lito Lacle a confirma cu pa 20.42 central di polis a manda patruya na Driemaster Lottery pa un atraco. Prome informe: A resulta cu 2 homber papia spaño di cual un di nan cu revolver den man a exigi e placa y e celular for di e persona trahando na dicho luga. Atraco team a presenta na e sitio pa hasi investigacion y tambe Slachtofferhulp a wordo poni na altura pa duna e víctima e ayudo necesario.Si tin cualkier informacion jama tiplijn 11141.

  • Entrada hudicial marduga a produci 3 detencion

    Entrada hudicial marduga a produci 3 detencion

    ORANJESTAD -  Awe diasabra den oranan tempran di mainta Atraco Team a hasi un entrada hudicial na un cas den Papaya. A detene e sospechoso masculino J.K. di 22 aña pa entre otro un atraco cu a tuma lugar 31 maart 2018 na Oranjestad. Durante listramente den e cas a hanja un pistool parecido na un arma di candela. Na e cas menciona tambe a detene dos persona ilegal cu a wordo translada pa Guarda Nos Costa. Na e entrada hudicial a hasi uso di diferente team entre otro Flex Team y Arrestatie Team. Atraco Team ta trahando dia y nochi pa asina resolve e casonan di atraco . Un biaha mas cuerpo policial ta pidi pueblo pa si nan tin informacion jama tiplijn di polis na 11141.

  • Directiva retira di SPA ta keda den funcion te proximo eleccion

    Directiva retira di SPA ta keda den funcion te proximo eleccion

    ORANJESTAD – Aunke cu e directiva di sindicato di polis (SPA) a tuma nan retiro e siman aki, nan lo keda temporalmente den funcion te ora cu tin eleccion atrobe. E sindicato a manda un comunicado splicando e situacion cu a surgi recientemente cu a conduci na retiro di e directiva, y argumentonan door di cierto miembronan descontento.

  • Powered by SETAR