ELMAR a avisa DOW y Odinsa pa stop tur trabou di cobamento

ORANJESTAD - E compania di utilidad ELMAR a avisa DOW y Odinsa awe mainta pa stop tur trabou di cobamento cerca di e otro kabel di 60kV. Esaki despues cu contratista pa Odinsa (e compania responsabel pa e trabou di green corridor) a dal un kabel di 60kV te cu e azeta a basha banda di Young Fellow riba caminda grandi Serca di Seri Tijshi. Y manera cu e portal aki a raporta caba, Odinsa a wordo adverti varios biaha caba, ya cu no ta prome biaha cu nan ta causa daño. Ela causa cu varios parti den e area cercano ta sin coriente for di algun ora caba.  

SOLUCION PA E PROBLEMA

Mientrastanto ELMAR ta trahando pa solunciona e problema. Entre otro ta bezig ta schakel om e load di Elmar 6 riba e.o. Elmar 2, 3, 4 etc. pa asina duna tur hende coriente back. Pero e portal aki a compronde cu pasando e carga di coriente di 6 pa e otronan, Elmar ta haci e otronan vulnerabel si algo pasa na WEB por ehempel. For di Elmar, e portal aki a compronde cu cos ta serio y cu mester 'fly-in' un monteur di Hulanda pa reemplasa e kabel afecta di 60kV. No ta conoci cuanto lo tarda pa drecha e kabel daña.