Caso di agresion y tiramento cu resultado fatal na Boegoeroei

NOORD - Un drama a tuma lugar awe nochi na Boegoeroei 50 unda cu un persona cu a agredi un polis, a wordo tira mata door di e polis, mientras cu e polis cu a keda agredi, ta bringando pa su bida. Informacion cu NoticiaCla ta ricibiendo ta cu un patruya di polis a acudi na e adres menciona pa duna asistencia. Esaki tabata pa 7:30 pm. Durante e dunamento di asistencia, un di e personana envolvi lo a agredi un di e polisnan cu un bloki den cabes. E colega polis di esun agredi, lo a purba intermedia, pero sin exito. E agente a pasa pa su arma reglamentario y lo a tira den direccion di e agresor, cu resultado fatal pa e agresor. E polis herida a wordo hiba cu urgencia pa hospital. Su caso ta basta serio segun informacion cu NoticiaCla a ricibi. Keda pendiente pa mas informacion.