Aumento Mericano pa securidad riba teritorio internacional causando confusion

WASHINGTON - Siman pasa departamento di estado Mericano y di seguridad a anuncia aumento di procedura pa screen pasahero cu ta biaha pa Merca. Problema ta cu no ta mucho cla kico e proceduranan aki ta. Aruba tambe ta cay bou di e areglo aki, mirando cu e ta un di e 6 paisnan cu tin pre clearance Mericano. Un asosacion di biahero corporativo ta mustra cu e medida aki ta confundi mundo biahero. "Ainda nos mester di claridad riba con e (medidanan nobo aki) ta funciona den practica" Greeley Koch, director ehecutivo di Association of Corporate Travel Executives a bisa. Debi na seguridad, no ta conoci pa haya reaccion di e oficialnan di TSA na Aruba. Ademas, nan no ta bay papia riba e tema. 

CAMBIO DI PROCEDURA

E cambionan ta encera entre otro aumento general di screening di pasaheronan, incluyendo aparatonan electronico, aumento di protocol di seguridad rond di avionnan y den e area di pasahero, aumenta control di screening cu cacho, y estableciendo localidad adicional di preclearance.  

CON PA PREPARA PA ESAKI

E problema ta cu como cu e no ta mucho cla, e no ta cla con un pasahero tin cu prepara pa esaki. Cua aeroliña ta un menasa, lo prohibi laptop pa ta abordo, manera ta e caso na 10 aeropuerto di medio oriente y Africa. Y asina tin mas pregunta. "Nos no ta bay menciona ningun pais, aeropuerto of aeroliña si nan ta cumpli cu standard of no" vocero di DHS David Lapan a bisa. 

E IMPACTO

E impacto lo t'ey, cu 325.000 pasahero yegando riba 2100 buelo di 180 aeroliña di 280 aeropeurto den 105 pais tur dia, incluyendo Aruba. 

PRECLEARANCE

Aruba ta cay bou di e 15 localidadnan di preclearance di imigracion y douane Mericano, hunto cu Bahamas, Bermuda, Canada, Irlanda y Abu Dhabi