Milly Schwengle ta representa Aruba den Conseho di Estado di Reino

DEN HAAG - Conseho di minister di Reino a aproba pa propone mr. Milly Schwengle na Su Mahestad Rey Willem Alexander pa bira e proximo miembro di 'Conseho di Estado di Reino' (Raad van State van Koninkrijk). E lo representa Aruba den e Conseho. E ta reemplasa mr Mito Croes (dfm) cu tabatin e funcion te 1 di juni 2016, y despues a fayece. No ta conoci ki dia Schwengle lo asumi den su funcion nobo. Schwengle ta abogado di profesion na Aruba cu bufete HBN Law y ta un 'managing partner'.  

REUNION DI CONSEHO

E Departamento bou di cua Schwengle lo funciona, (departamento di e conseho di estado di Reino) ta reuni un biaha pa luna y ta conseha riba liñanan grandi riba e mesun casonan cu e Conseho di Estado di Hulanda ta reuni. Esaki ta ensera entre otro tambe ley di Reino, AMvRB y tratado di Reino. Foto cortesia Raad van Advies.