Rehabilitacion parkeo avion 1 y 2 ta parti di proyecto di 12 miyon florin

ORANJESTAD - Dialuna aeropuerto ta inicia su proyecto balora na e suma total di 12 miyon florin. E prome parti lo ta di 7 miyon cu ta rehabilitacion di e dos posicionan di parkeo 1 y 2.  

TRABOUNAN PA HACI

Lo cambia e superficie di concret, instalacion di e infrastructura pa e fuel hydrant system y e relocacion di e fundeshi nobo pa e brugnan pa pasahero asina aumentando e tamaño di Gate # 2 pa acomoda avionnan tipo wide-body di categoria “E” manera avionnan B-787 y A-330. Lo instala 2 brug di pasahero nobo. Fase # 1 ta encera cu ta cera posicionnan di parkeer avion # 2 y # 3 pa 6 siman largo. Ora cu fase 1 keda cla, fase 2 lo cuminsa, unda cu gate 3 lo bolbe den servicio mientras cu gate 1 y 2 lo keda cera pa un periodo di 4 luna. Si tur cos cana segun schedule, dia 14 di december 2017 e proyecto mester ta completamente cla y entrega. 

Ta bon pa agrega cu ceramento di e gatenan lo trece un cantidad di reto pa e operacionnan diario na aeropuerto, pero lo adapta operacion pa por minimalisa impacto riba pasaheronan y riba operacion di avionnan.