Militarnan Venezolano en busca di piloto di helicopter cu a ataka corte supremo

CARACAS - Militar Venezolano ta buscando un polis elite sospecha di a uza un helicopter horta pa ataca e edificio di corte supremo di e pais diamars anochi. Segun BBC, Oscar Pérez a postula video riba instagram, admitiendo e atake y a yama Venezolanonan pa lanta contra gobierno di Nicolas Maduro. A busca e polis na su cas, pero sin exito. Ta considera e accion aki como uno terorista. Durante e atake, ningun hende a resulta herida. 

KICO A SOSODE 

Un helicopter blauw di polis a wordo mira ta bula riba parti central di Caracas, cu un banner cu e texto Libertad 360, refiriendo na e clausula den e constitucion di e pais, cita pa oponentenan cu e gobierno di Maduro ta ilegal. E helicopter tabata uno horta, di un unidad cu Perez a traha p'e pa 15 ana. E helicopter a bula pa e edificio di corte supremo, lansa varios granada, di cual uno so no a detona. 

KEN NAN TA REPRESENTA

"Nos ta un coalicion di empleadonan militar, polis y civil cu ta buscando balansa y ta contra e gobierno criminal aki" e piloto a bisa.  

REACCION DI GOBIERNO

Presidente Maduro a denuncia e atake aki y a bisa cu ela activa forsa arma completo pa defende paz. "Y mi por sigurabo cu nos ta bay captura e helicopter cu a efectua e atake di teror aki". Fuente y potret cortesia BBC