Arends: Mechanismo pa controla receta, ta funciona bon

ORANJESTAD - E mechanismo pa controla recetanan na boticanan ta funcionando. Directie VolksGezondheid (DVG) mester tene miho control riba asunto di receta di medicina. Y ora di papia di control, ta papia di posibel spot checks. Asina boticario Sharon Arends-Bareño a bisa NoticiaCla relaciona cu e caso di investigacion di inspectie riba casonan fraudulento di receta cu ta tumando lugar aworaki. Arends no ta kere cu e problema ta cerca e boticarionan sino e control di e inspectie y e docternan cu ta prescribi e recetanan. 

PROCESO

Segun Arends, e proceso di receta ta cu tur boticario ora cu un pashent yega na un botica cu un receta, tin un lista di e docternan inscribi cu ta autorisa pa traha na Aruba como medico. Esaki ta via DVG. "Tur e docternan tin un code. Y bo tin diferente docter. Pero no tur docter ta contractant di AZV" Arends ta sigui bisa. E ta referi na e asina yama 'cash docters' cu si ta inscribi na DVG. E boticarionan ta controla entre otro si e pashent ta inscribi na e botica respectivo, si e receta ta scibi pa un docter autorisa na Aruba (tin hopi pashent cu ta bin cu receta di docternan di afo tambe), y e ora e receta por wordo emiti. "Si tin casonan cu docternan cu no ta ingeschreven na DVG, nos no por acepta nan legalmente. 

E MECHANISMO DI CONTROL TA FUNCIONA?

Recientemente e mandatario encarga cu salud Alex Schwengle a sugeri cu por ta (investigacion andando tin cu determina esey si) e mechanismo pa evita fayo den acepta receta falso, no ta funcionando. Pero Arends a sigura e portal aki cu e mechanismo ta funciona. "E ta funciona. DVG ta schrijf in un arts. Awor si bo ta puntra'mi cu si tin arts cu porta ta laga hendenan traha ilegal pa nan, na nan consultorio y ta uza nan recetanan y e artsnan ta firma nan, esey ta hopi dificil pa nos sa si esey ta e caso" Arends a sigui bisa. Dificil, pasobra segun e boticaria, e cantidad di docter na Aruba a aumenta asina hopi ultimo añanan compara cu antes. "Antes Aruba tabata chikito cu bo tabata sa precies tur handtekening di cua docter tabatin" e la sigui bisa. "Bo no conoce tur handschrift. Bo tin cu bay na e code cu bo ta haya di DVG" 

DOCTER CU VACANTIE

Tin docternan cu ta bay cu vakantie, y cu ta laga un reemplasante cu tin permiso di IVA (Inspectie Volksgezondheid Aruba), y e docter ta laga un hende scibi receta pe, ta e docter su desicion y su responsabilidad pa cu DVG. "A nos como apotheker ta wak si e receta ta di un docter cu ta ingeschreven na Aruba. No necesariamente un docter di AZV pero cu ta traha cash tambe". Como tal e ta haya cu ta DVG mester tene miho controle, haci spot check.  A mustra cu tin software online hopi sofistica, cu ta check cua pashent ta inscribi, tur cos ta bay automatisa. Pero si tin un reemplasante cu ta nobo y ta haci otro cos, e ta dificil pa e boticaria verifica e legalidad di e docter cu e code corecto. "Si nos no haya ningun red flag di e docter cu un hendea horta su receta, nos ta ga er van uit cu ta ter goede trouw cu e docter ey ta haciendo algo legal" Arends a bisa. 

CASONAN CU A PASA DEN PASADO CABA

E mandatario den e mesun combersacion cu e portal aki riba e tema, a bisa cu e no tabata sorprendi di e practica di fraude cu receta. Y cu esaki posiblemente tabata tuma lugar hopi tempo caba. Arends sinembargo no por a bisa esey. "Mi ta kere cu e minister mester sa miho cu mi y cubo, pasobra e minister ta docter" Arends a bisa. Pero e mes no ta na altura di casonan den pasado.