Hopi interes pa dispidi di Gerald Luidens diaranson anochi

ORANJESTAD - Awe famia, amigo y conocirnan ta dispidi di e conocido comerciante Gerald Luidens, cu den fin di siman a fayece di un forma hopi cruel. Diaranson anochi tabata e oportunidad pa condoleer na Aurora Funeral home. Notabel ta cu for di tempran (prome cu ora di condoleer cuminsa), tabatin hende para den rij caba. Rijnan largo di dos pa tres ora a keda te na final, mustrando cu tabatin un interes enorme pa dispidi di Gerald. Te pasa do 9'or (ora cu e momento a pasa caba pa por dispidi), tabatin hende para pafo te banda di ex Texas, pa por a drenta paden. Awe mainta e entierro mes ta, entre 9'or pa 11'or na Aurora Funeral Home, sigui pa cremacion den circulo familiar. NoticiaCla ta manda palabra di forsa na famia di Gerald y cu e por sosega na paz.