Bolichero di Aruba ta gana Macau Open 2017 na China

MACAU - E bolichero Elias Halabi (nieto di conocido Jesus 'Chu' Halabi, y yiu di Ramsey y Jourraine Halabi a marca historia pa Aruba ganando e Macau Open 2017 na China awe. Elias a lucha hopi y asina ta bira e prome bolichero di Aruba cu ta logra gana un titulo na Azia den bowling. Mester bisa cu el a gana su contrincante pa 50 pins di diferencia." Sin duda esaki ta un di e logronan di mas grandi den historia di e deporte di bowling pa Aruba. Nunca antes un atleta di Aruba a logra triunfa cu un titulo asina leu for di cas" ta un citado di e portal deportivo 297 sports. "Manera ex-entrenador di bowling James Porter a bisa:"I'm literally crying, what a great achievement for Aruba".

REACCION DI ELIAS MES

"Mi a haci noticia aki na Asia. Ki un dia! Mi ta ainda den un shock total y no por kere. Mi por finalmente bisa cu mi a gana mi prome titulo internacional. Mi ta asina honra y bendiciona di por representa mi isla chikito Aruba" Elias a bisa riba su pagina di Facebook awe mainta. Foto cortesia 297 Sports.