A cancela Tropical Storm Watch pa Aruba

ORANJESTAD - METEO a descontinua e 'Tropical Storm Watch' pa Aruba. Asina e servicio meteorologico a informa NoticiaCla diamars atardi. Motibo ta cu su situacion no ta di e estado cu e mester tin un notificacion asina mas. Manera ta conoci, e direccion entre otro a cambia poco, cu ta nifica cu e no ta pasa riba nos mas sino pa nord di nos, y cu menos intensidad. E condicionan informa anteriormente si ta keda mescos. Entre nan, biento di 11 pa 27 nudo, cu rafaga te 40 nudo, y awacero na cantidad di 10 pa 25 mm posibel, y localmente mas hopi durante diamars anochi pa diaranson mainta. Mes momento METEO a descontinua notificacion riba e situacion di Bret.