Eman: Tormenta Bret no ta hopi pisa y lo pasa panord di Aruba

ORANJESTAD - " E Tormenta Tropical Bret no ta hopi pisa, y ta pasa panord di nos", asina prome minister Mike Eman a bisa awe mainta durante un conferencia di prensa riba e tormenta su desaroyo. E pronostico ta un poco mas miho compara cu anteriormente pronostica unda cu tabata premira cu e ta pasa net riba Aruba. E ta pasa panord di nos pero toch nos lo haya efecto di awa y biento. "Bret lo no ta tanto pisa" Eman a sigui bisa. Tur departamento ta 'paraat', preparando lo necesario pa si encaso nan mester actua ora cu e tormenta caba pasa. Scucha e grabacion di e conferencia AKI.