Yrausquin: “Gobernador ta perhudicando nos pais cu su decision”

ORANJESTAD – “Gobernador (di Aruba) ta actuando completamente inconstitucional, y ta perhudicando nos pais cu su decision inconstitucional” ta palabranan directo di minister Juan David Yrausquin na su yegada for di Hulanda, subrayando un biaha mas su desacuerdo firme cu e tin cu gobernador. Algo cu e no a sconde den su carta di retiro di diabierna. Segun Yrausquin, gobernador no ta actuando como organo di Reino. No tin un decision di organo di Reino pa asina e (gobernador) por actua como organo di Reino. Esaki ta keda pensamento di minister Juan David Yrausquin. E hecho, segun Yrausquin, cu a emiti un declaracion di parti di Gobierno Hulandes cu nan ta sostene gobernador, no ta nifica cu nan a duna un instruccion na gobernador, Yrausquin a bisa. Algo cu gobernador splica hopi cla den un declaracion den fin di siman