FIFA no lo tuma accion contra VAR despues di controversia durante wega Alemania-Corsou

HOUSTON – FIFA no ta mira motibo pa tuma medida disciplinario contra asistente-VAR australiano Shaun Evans, despues cu e la wordo critica pa un gesto cu man cu algun persona a interpreta como un simbolo asocia cu supremacia blanco.

Poco prome cu e partido di Mundial entre Alemania y Corsou, camaranan di television a capta Evans formando un circulo cu su dede grandi y indice, mientras e otro dedenan tabata straight. E imagen a provoca reaccion y preocupacion di parti di organizacion anti-discriminacion Fare, cu a pidi FIFA pa investiga e incidente y considera accion apropiaSegun Evans, e gesto tabata completamente involuntario y no tabatin ningun mensahe politico, ideologico of discriminatorio tras di esey. E arbitro di video a declara cu e ni siquiera tabata consciente di e movimiento cu su man na e momento ey.

Evans a reconoce cu e gesto por wordo interpreta di diferente manera y a expresa arrepentimento cu e incidente a causa controversia.

Despues di conduci un investigacion, FIFA a conclui cu no tin prueba cu Evans a viola e reglamentonan disciplinario di e federacion mundial di futbol.

Pa e motibo ey, FIFA a confirma cu no lo tuma ningun medida disciplinario contra e oficial australiano.