- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
29 aspirant di Scol di Polis a huramenta y 25 brigadier a completa nan MKO
ORANJESTAD - Diahuebs mainta a tuma luga un ceremonia special di Cuerpo Policial Aruba, den presencia di Minister di Husticia, mr. drs. Arthur Dowers, Altocomisario Ramon Arnhem, Comisarionan di Polis y famianan di e aspirantnan.
Durante e ceremonia, un total di 29 aspirant di Scol di Polis Edgar Joaquin “Watty” Vos a huramenta y awo tin autoridad por traha proces-verbaal y carga nan ekiponan necesario pa eherce nan funcion den practica. E huramentacion a tuma luga den dos grupo: 15 aspirant di klas N4-2024 y 14 aspirant di klas N4-2025.
E paso aki ta forma parti di e curiculo di e educacion policial cu ta dura 4 aña, cu finalmente mester conduci na obtencion di nan diploma di MBO y preparacion profesional pa sirbi comunidad di Aruba.
Ademas di esaki, un total di 25 brigadier a completa nan Middenkaderopleiding y awo nan tin e oportunidad pa yega e rango di hoofdagent, marcando un paso importante den nan desaroyo profesional den Cuerpo Policial Aruba.
Durante e ceremonia, Minister Dowers a dirigi palabra na e grupo di hoben polis y a comparti un mensahe profundo riba e gran responsabilidad cu nan ta asumi. E mandatario di husticia a enfatisa cu polis tin un rol fundamental den mantene paz, orden publico y siguridad den nos comunidad. E trabao di polis ta exigi integridad, disciplina y dedicacion continuo pa proteha comunidad y mantene trankilidad den sociedad.
Ademas Minister Dowers a pone enfasis riba e importancia di respet mutuo entre colega den Cuerpo Policial Aruba. Segun Minister, respet interno ta forma e base pa confiansa y bon colaboracion den di e organisacion. Respet pa otro y pa comunidad ta crea e fundeshi pa gana respet di comunidad. Confiansa di pueblo ta basa riba profesionalismo, integridad y e manera con polis ta trata comunidad.
E ceremonia a marca un momento importante pa Cuerpo Policial Aruba y pa e hobennan balente profesional cu awo ta tuma e siguiente paso den nan carera den servicio di siguridad, orden publico y paz den nos pais. Na final Minister Dowers a felicita cada aspirant y brigadier cu e logro importante aki den nan carera y a desea cada un exito y perseverancia.
Polis a dal baho mundo duro: 4 detencion y a desmantela un plantacion grandi di droga
Wardacosta ta intercepta boto sospechoso drentando Aruba cu droga y 6 persona
Polis a cay duro riba trafico, repartiendo mas di 140 multa na chauffeurnan
ORANJESTAD – Cuerpo policial dialuna merdia a comparti du diabierna ultimo durante oranan di atardi y despues anochi , polis di districto di Oranjestad, hunto cu e Unidad Motorisa, y DTP a tene control di trafico den districto Oranjestad. E controlnan a wordo realisa na diferente puntonan strategico.
KPA: Persona deteni cu pistool y sentencia hopi lihe
ORANJESTAD – Diabierna polis a raporta cu diadomingo 29 di maart 2026, Polis di Aruba a detene un homber durante un control, despues cu agentenan a descubre un tas den su vehiculo cu tabata contene un pistool hunto cu municion. E hallazgo a pone un biaha mas na cla e peligro real cu arma ilegal ta representa pa nos comunidad.
Boto y bultonan di droga a keda localisa den area di Colony
SAN NICOLAS - Diamars pa mas o menos 6’or Central di Polis ta wordo notifica cu pariba di Anker na Colony, a topa cu un boto y locual ta parce di ta bultonan di droga na e costa. Mesora a despacha unidadnan di San Nicolas hunto cu e departamento di crimen organisa (UGC) pa e sitio menciona.
Polis a desmantela plantacion di marihuana na Savaneta; dos detencion oficial
ORANJESTAD - Diaranson den ora di mainta, Unit Narcotica di cuerpo policial a tene un entrada hudicial na un cas na Savaneta. Esaki tabata en conexion cu un plantacion di marihuana. Durante e entrada hudicial a haya un total di 62 mata di marihuana. A detene e hende homber L.R.J.V.D.N., naci na Aruba di 25 aña, y e hende homber G.C.R., naci na Aruba di 55 aña. Durante e entrada hudicial a haci uzo di e unidad di K-9, Flex Team y RRT.
Follow NoticiaCla
