TUI FLY a celebra 20 aña di conexion cu Aruba cu buelo awe na Schiphol

ORANJESTAD / RIJSWIJK  – E vuelo di TUI fly OR 381 a keda festivamente despedi na Aeropuerto Schiphol awe. dialuna 3 di november ultimo. Cu e vuelo aki, TUI fly ta celebra un logro special: e compania di aviashon ta bula entre Amsterdam y Aruba pa exactamente 20 aña e aña aki. Prome cu salida for di Amsterdam, un delegacion di TUI y Schiphol a conmemora e momento aki, y pasaheronan a ricibi un recuerdo di e vuelo special aki. Arjan Kers, Director Gerente di TUI Hulanda y Belgica: "Cu e ruta Amsterdam – Aruba, nos ta trece hopi turista pa e isla tur aña, ademas e ta un conexion importante entre Hulanda y tambe cas pa e localnan. P’esey mi ta orguyoso cu nos ta celebrando 20 aña di conexion awe cu Aruba."

POPULARIDAD CRESIENTE

Aruba ta un di e destinacionnan Caribense mas popular di TUI pa dos decada caba; e popularidad ey ta cresiendo. Mas i mas e turista hulandes ta descubri e isla diverso aki cu su playanan bunita, mundu bao di awa facinante, y hendenan hospitalario. Tanto benta di vakantie den pakete como pasashi individual ta aumentando compara cu winter 2024. Vakantie den pakete ya ta mustrando un aumento di 27% pa e temporada di winter venidero y actualmente, a bende 50% mas pasashi compara cu den e mesun periodo aña pasa. Esaki a pone cu e organisacion di viahe a aumenta su capacidad di vuelo pa Aruba (+25%).