- Croes: Salario minimo ta surpasa 2000 florin pa luna na januari 2025
- Papa Francisco ta kere cu Trump i Harris “ tur dos ta contra bida”
- Polis ta adverti pa 'postnan' violento y sexual riba Instagram
- Aruba a conoce un otro miyonario cu Lotto!
- Ainda e ganador di premio miyonario di Lotto di juli 2024 di AFL 1.650.000 no a cobra su premio!
Aruba a registra casi 6000 accidente caba den prome 8 luna di 2024
ORANJESTAD – Entre januari y augustus di 2024, tabatin un total di casi 6000 accidente registra, conforme e cifranan di Forensys cu ta e agencia cu ta atende cu accidente di trafico y ta registra esaki tambe. E cifra exacto ta 5667. Y ademas, tin 8 morto di trafico pa e aña aki aunke. Casi un morto pa luna. Algo cu sigur mester para keto na dje. Mester bisa si cu compara cu 2022, e situacion di fatalidad tabata mas pio si e aña ey cu 12 morto na 8 luna di aña. Pa loke ta accidentenan di trafico, si compara esaki cu cifranan di disponible di 2022, esta dos aña pasa, e ta un aumento di casi 2000 accidente den e prome 8 lunanan (1674). Y si tene na cuenta cu e total pa henter e aña na 2022 tabata 7341, e ta un aumento bastante. Pa luna na 2022 tabatin 602 accidente pa luna. Pa mas informacion riba e cifranan di 2022, por click AKI. Potret cortesia di Comision Trafico Sigur.
Meteo a emiti un aviso pa calor excesivo
ORANJESTAD - E condicionan di tempo durante proximo 24 ora ta indica cu e humedad halto y e biento poco zwak lo pone cu nos lo bai experencia un dia mas caluroso cu normaal. Temperaturanan lo por yega 35 te 36 grado celsius den dia y lo no baha menos cu 29 grado celsius den anochi. Esaki lo aumenta e peligro pa hendenan cu no por haña un lugar adecua pa refresca nan curpa.
A.T.A. a comparti e strategia nobo encuanto e programa “Aruba Promise”
ORANJESTAD - Aruba Tourism Authority (A.T.A.) a presenta e di dos sesion bou di capa di secionnan “Eco-Conscious” dirigi na socio nan den e industria di turismo local. Un sesion cu a ser presenta pa Marisol Sanchez – Communications Manager di A.T.A., y representantenan di agencia internacional Zeno Group cu a cumpli cu un investigacion extensivo hunto cu A.T.A., esta Stephanie Casanova SVP Consumer Communications, Amelia Brandt - Senior Vice President - Purpose & Impact, y Sherwin Francies - Senior Account Executive – Consumer. A comparti e strategia nobo encuanto e programa “Aruba Promise”, cu ta dirigi riba entre otro nos bishitantenan y ta delinea na nan e ‘Code of Conduct’ desea durante nan bishita.
DCNA Tur 6 isla di Caribe Hulandes a tuma iniciativa pa restaura e rifnan di coral
ORANJESTAD - Tur e seis islanan- Aruba, Boneiro, Corsou, Saba, St. Eustatius y St. Maarten a tuma medidanan unico y proactivo pa atende cu e retonan cu nan rifnan ta enfrentando. E esfuersonan di restauracion door di e organisacionnan local di corservacion di naturalesa a keda presenta durante e Dutch Caribbean Nature Alliance (DCNA) Workshop di Restauracion di Rif recien y nan ta critico pa sigura salud y duracion di bida di e tesornan di bou awa aki pa hopi aña mas.
Censo: Relaciona cu e proximo eleccion, dentro di un siman, registro di votadornan ta cera
ORANJESTAD – Censo a participa diahuebs cu conforme articulo 3 jo. 33 di nos Ordenansa Electoral e cierre di e Registro di Votadornan ta tuma luga 30 dia prome cu entrega di lista cu ta dia 18 october 2024. Esaki ta significa cu solamente personanan cu dia 18 september 2024 ta inscribi den e Registro di Populacion y di berdad ta biba na Aruba y tin nacionalidad Hulandes y dia di eleccion tin 18 aña bay ariba, por participa na e votacion dia 6 december 2024.
ELMAR ta introduci CONTACTO CU BARIO
Analisis: Hopi atrobe den politica
Follow NoticiaCla
