METEO: Biento na Aruba lo sigui fuerte diahuebs

ORANJESTAD - Biento lo keda basta fuerte debi na Aruba na e extension di un area di presion halto riba mar atlantico cu ta keda domina. Asina servicio meteorologico di Aruba ta raporta den su pronostico valido pa e proximo 24 ora. Varios dia caba por a sinti e biento duro riba nos isla, y esey sigur a hala hopi atencion. Hunto cune, e ‘conocido’ stof di Sahara.

STOF DI SAHARA

Pa loke ta e stof di Sahara, esaki por reduci visibilidad un tiki. Shelo lo keda levemente te parcialmente nubla y no ta anticipa awasero significante. Temperatura maximo 33 grado celsius y temperatura minimo 27 grado celsius.

BIENTO

E biento, aparte di ta fuerte, por lo general lo tafor di direccion oost y modera te fresco; forsa 4 te 5 ( 20 te 37 km/ora, 11 te 20 nudo ). Ocasionalmente e biento lo tin rafaga te fuerte; forsa 6 te 8 ( 43 te 72 km/ora, 23 te 39 nudo).

SITUACION GENERAL

Pa loke ta e situacion general, servicio meteorologico ta papia di un disturbio den nivel halto cu por aumenta nubia den nos area entre diahuebs I diabierna. Sinembargo e nubianan aki ta di nivel halto i no ta produci awasero.

LAMAN

E situacion di laman, tambe ta splica. Olanan di lama ta biniendo di direccion oost cu haltura di 6 te 12 pia. Temperatura di superficie di lama 27 grado celsius. Como tal ta pidi pa tene cautela riba lama debi na e biento fuerte.

PROSPECTO DI TEMPO PA E SIMAN

Shelo lo ta parcialmente nubla. Biento ta keda fuerte. Temperatura ta fluctua net riba normal y stof di Sahara por reduci visibilidad.