Aruba ta cera frontera pa 7 pais Sur Africano relaciona cu variante Omicron

ORANJESTAD – Gobierno di Aruba a anuncia dialuna atardi cu ta cera frontera pa 7 pais Africano, debi na e variante nobo di Covid19, esta Omicron. Ta trata di e paisnan Sur Africa, Zimbabwe, Namibia, Lesotho, Mozambique, Eswatini y Botswana. Localmente no ta tuma mas medida adicional segun prome minister Evelyn Wever Croes, sino ta keda cu e medidanan actual cu tin na lugar. 'Nos ta precupa cu e situacion, pero no tin motibo di panico' e mandatario a sigui bisa.