Paranda di Fin di Aña di Randal Corsen a pone tur hende riba pia!

Posted on 12/30/2018 11:42 am AST | Updated on 12/30/2018 12:30 pm AST

WILLEMSTAD – Ni un palo di awacero por a para e di e di dos dia di e expectaculo musical ‘Paranda di Fin di Aña’ di Corsou di e aña aki. Diasabra anochi bou di e cupola na Landhuis Brakkeput Mei Mei, e orchestra bou di encargo di e maestro Randal Corsen a deleita e publico grandi y cu e presentacion di cantantenan manera Dibo D, Ritch Pieter, Yumaira Grijt y e artista invita Izaline Calister pa casi tres ora largo. Un repertorio amplio a zona durante e anochi, unda cu ni awacero no a logra stroba e ambiente. Na comienso di e anochi, e maestro di ceremonia Frans Heiliger a reta e publico caba :“Na final di e prome anochi, tur hende tabata riba pia. Ban wak con ta bay awe nochi”. Y e publico no a defrauda Heiliger. Y asina mes cos a bay unda cu na final, bou di tono di un potpourri di tumba, e anochi a finaliza. Pero no prome cu cada un di e artistanan menciona, a duna nan toke personal na e anochi. Combina cu un intercambio humoristico di Corsen, e anochi a sigui su curso, y esnan presente sigur a disfruta sin fin. Mitar den e concierto, e awacero a dicidi di purba mete, loke e no a resulta. “Nos no ta bay niun caminda” un persona den e publico a grita. “Nos ta stop?” Randal Corsen a puntra e publico, pa cual el a  haya un no rotundo. Despues di un rato cu e awa no kier a stop stop, asina mes cantantenan riba e tarima a continua cu nan presentacion. Finalmente e awacero a dicidi di 'entrega'. Y despues di un pauze programa, tur hende tabata cla pa continua manera nada no a pasa. Manera custumber, Izaline Calister su ‘Wow’i Cariño’ a keda hopi popular, y diasabra anochi esaki no tabata diferente. Clausurando cu un potpuri di tumba carnavalesco, tur hende tabata riba pia y tabata pidi pa mas. Otro aña tin e di 5 edicion, cu Corsen a anuncia caba. “Nos ta bende carchi ora boso sali bay awor” Corsen a bisa na final, den un forma humoristico. Na tur, esnan presente a goza sin fin di e di dos y ultimo anochi di e Paranda di Fin di Aña, algo cu a cuminsa 4 aña pasa y a bira un custumber agradabel y exitoso!.

 

 

  • Premier Mark Rutte a yega Caribe Hulandes pa inicia su bishita

    Premier Mark Rutte a yega Caribe Hulandes pa inicia su bishita

    WILLEMSTAD – Mientras cu su bishita ta planea pa Aruba diamars awor, prome minister di Hulanda Mark Rutte y Secretario di estado Hulandes Raymond Knops a yega Corsou diadomingo atardi pa nan bishita di dos dia relaciona cu e mission commercial Curacao Bon Bini. Prome cu esey, e mandatario tabata na Bonaire den curso di dia unda cu banda di bishita e mandatarionan respectivo, a clausura su bishita relampago cu un bishita na e evento di Qredits. Diamars e mandatarionan ta na Aruba pa bishita di un dia. Foto di yegada na Corsou ta cortesia di Dick Drayer.  Esnan di Bonaire ta di fuentenan di NoticiaCla na Bonaire. 

  • Huez a rechasa deal di InselAir, pero no a declara bancarota

    Huez a rechasa deal di InselAir, pero no a declara bancarota

    WILLEMSTAD – Huez a rechasa e acuerdo di creditornan pa InselAir International diaranson, pero mes momento a acomoda e administrador pa por apela e sentencia di awe. Esaki ta nifica cu enbez di declara e compania bancarota mesora, ta duna oportunidad pa corte di apelacion tira un bista riba e acuerdo un biaha mas. Expertonan legal cerca di e proceso aki a mustra NoticiaCla cu mes momento esaki ta nifica tambe cu e administrador ta haya mas tempo pa sigui busca garantia necesario pa e deal entre interCaribbean Airways y InselAir International keda concretisa. Awe mainta ainda NoticiaCla a cita e matutino Extra cu a papia cu e administrador Rogier vd Heuvel, indicando cu interCaribbean a entrega un garantia den forma di hipoteca riba un di e avionnan di interCaribbean. Esey lo mester tabata suficiente. Pero e huez diaranson a mustra cu esaki no ta suficiente, basa riba cierto puntonan den e ‘deal’ cu interCaribbean a pone. Esey ta cambia full e concepto y e seguridad cu e hipoteca mester duna. Un credito tambe na Banco di Turks & Caicos, (base di interCaribbean) no ta valido pa e huez. Como tal, a rechasa e acuerdo. Den un caso normal, e unico opcion ta keda e ora pa declara e compania en cuestion failliet. Den e caso aki, atrobe, pa straño cu e por zona, a bolbe acomoda e compania y dune mas bida, te ora cu trata e caso den apelacion. Lesa e sentencia AKI. 

  • InterCaribbean a pone garantia di banco riba mesa pa InselAir

    InterCaribbean a pone garantia di banco riba mesa pa InselAir

    WILLEMSTAD – E compania interCaribbean Airways a pone e garantia di banco riba mesa pa InselAir. Asina e matutino Extra ta raporta diaranson den nan edicion, citando un combersacion cu e matutino tabatin cu e administrador di e aeroliña local Rogier vd Heuvel. Oficialmente corte no a emiti ningun declaracion ainda riba e tema. E matutino ta raporta tambe cu e compania ‘ a yega na acuerdo cu gobierno riba su participacion di 49%-51% den e compania local di aviacion’. Diamars 15 di januari 2019 tabata e fecha cu corte a pone pa haya un claridad di vd Heuvel, riba e avansa di e combersacion. Tabatin algun adaptacion cu tabata rekeri, y pesey ainda oficialmente NoticiaCla no a ricibi palabracion official di corte. Vd Heuvel tambe lo a confirma garantia di gobierno, cu nan lo no ‘bula afo’. NoticiaCla ta keda pendiente 

  • Malhechornan na Corsou a rementa ATM di ACU y lag’e ‘total loss’

    Malhechornan na Corsou a rementa ATM di ACU y lag’e ‘total loss’

    WILLEMSTAD - Diasabra dia 5 di januari 2019 alrededor di 03.51’or di mardugá, Central di Polis a ricibí yamada di un kiebro cu a tuma luga na un bankomátiko di ACU riba Sta Rosaweg na altura di misa catoliko di Sta. Rosa.

  • Corsou ta conoce prome caso di asesinato pa 2019

    Corsou ta conoce prome caso di asesinato pa 2019

    WILLEMSTAD – Corsou a conoce su prome caso di asesinato pa 2019 diasabra mainta. Ta trata di un conocido futbolista di Centro Dominguito Dhenico ‘Malek’ Pauletta, cu a muri a consecuencia di heridanan di bala cu el a ricibi. Ta trata aki di un caso di ‘drive by shooting’, banda di AutoCity na Saliña. 

  • Minister Girigori : Expresionnan di vocero di OM ta inaceptabel

    Minister Girigori : Expresionnan di vocero di OM ta inaceptabel

    WILLEMSTAD - Segun minister di Husticia di Corsou Quincy Girigorie, expresionan di vocero di Ministerio Publico Norman Serphos no ta cuadra cu e tarea di e instituto y ta inaceptabel. Manera NoticiaCla a reporta caba, e vocero a haya ‘toegang ontzegging na edificionan di OM diaranson y a pidi pa su retiro. Esaki referente e loke cu Serphos ta wordo acusa di dje. Manera ta conoci, dia 20 di december último, despues di fayesimento trágico di un motociclista, Minister di Husticia Quincy Girigorie, a tuma nota di un comentario completamente inapropia y inaceptabel riba cuenta di Facebook personal di vocero di Ministerio Públiko. Segun e mandatario, inmediatamente el a tuma contacto cu Fiscal Mayó di Ministerio Públiko, cu a informa Minister di e pasonan ku ya nan a tuma den e caso aki.  Entretanto, e prome fase di e investigashon a keda concluí i Minister a wordo informa di e resultado, esta: cu e version cu e cuenta di Facebook personal di e vocero di Ministerio Público a keda di ‘hack’ no ta basa riba realidad. Awe mainta dia 2 di januari 2019, e vocero a ricibí un carta di Minister a base di cua e ta keda prohibí inmediatamente entrada na oficinanan di Ministerio Público i el a keda informa ku lo inicia un proceso diciplinario severo contra su persona.

  • Powered by SETAR