Hobencito cu ta considera Xander Bogaerts su hero, a fayece na Merca

Hobencito cu ta considera Xander Bogaerts su hero, a fayece na Merca
  • Babel: Tres aña prison pa Schotte y 9 luna pa vd Dijs

     Babel: Tres aña prison pa Schotte y 9 luna pa vd Dijs

    WILLEMSTAD – Corte di apelacion a practicamente mantene e sentencia inicial di tanto ex prome minister Gerrit Schotte y su partner Cicely vd Dijs diabierna atari den e sentencia di caso Babel. Pa Schotte esaki ta significa 3 aña di castigo di prizon kitando voorarrest y 5 aña ta perde derecho pa participa activamente den politica. Su partner vd Dijs a keda sentencia na 15 luna di castigo di prizon, di cual 6 ta condicional, cu ta significa cu e tin cu sinta 9 luna di castigo, kitando e voorrarest. E peticion di Ministerio Publico pa detene Schotte mesora despues di e sentencia a keda rechasa. Pa loke ta e parti di absolucion, Schotte a keda absolvi pa e cargonan di paspoort perdi, y su partner a keda absolvi di e cargo di falsificacion di documento. Keda pendiente pa mas informacion. Foto archivo cortesia Anneke Polak. 

  • Plaza Hotel na Corsou bendi na findishi pa 9 miyon dollar awe mainta

    Plaza Hotel na Corsou bendi na findishi pa 9 miyon dollar awe mainta

    WILLEMSTAD – Plaza Hotel y Casino a wordo bendi na findishi awe mainta na Corsou pa e suma di 9 miyon dollar na John Burchan di Waterfront Hotel Group. Asina e vespertino Amigoe ta raporta awe merdia. E unico instancia cu a ofrece, ta esun cu a bira e cumprado finalmente. Cu e findishi aki, e banco responsabel Giro Bank ta logra cubri e gastonan pendiente di e hotel cu e aña aki a bati bancarota. E mal estado di e hotel a pone cu tabata dificil pa haya inversionistanan local pa inverti den e hotel aki, ya cu mester inverti basta placa pa drecha e hotel su estado. Segun informacion cu e vespertino tin, e compania tin 10 dia pa traspasa e suma menciona pa e cuenta di giro bank. Fuente Amigoe. Foto Curacao to Go.

  • O.J. Simpson a haya libertad condicional despues di 9 aña di prison

    O.J. Simpson a haya libertad condicional despues di 9 aña di prison

    NEVADA – Conocido celebridad O.J. Simpson (70) a haya su libertad condicional otorga diahuebs mainta na Las Vegas Nevada, despues di tabata encarcela 9 aña pa un robo arma. Cuater persona di un comision a dicidi esey despues di a tende OJ su defensa riba e motibo pakico mester otorg’e libertad condicional. E por recobra su libertad 1 di october proximo. Ela keda sentencia despues di un aresto na 2007 pa un robo cu ela cometi cu algun persona. Algun aña prome Simpson a wordo declara liber di a asesina su ex casa Nicole Brown Simpson y amigo Ron Goldman. E caso aki a bira e caso di siglo, completamente televisa. Simpson a bira popular cu e deporte di futbol Americano y despues un vocero pa varios producto comercial y tambe un actor di varios pelicula. Fuente ABCnews.

  • Trahadornan InselAir cu ultimatum pa gerencia

    Trahadornan InselAir cu ultimatum pa gerencia

    WILLEMSTAD – Trahadornan di InselAir International (Corsou) ta duna gerencia te dialuna pa tene honor na nan mes. Si pa e dia ey nan no a retira, e compania ta ‘bay plat’. Asina e matutino Extra ta raporta. E matutino ta referi na un reunion cu a tuma lugar e siman aki cu e sindicato UGTK/CADMU, cu a trata e situacion interno cu tin. E ultimatum cu trahadornan a pone, ta debi na e carta cu a ricibi di ultimatum pa retiro voluntario. E compania kier reduci e cantidad di trahado te na 180. E trahadornan no ta nada contento cu e situacion y e gerencia, y ta kere cu e internamente mes tin hende cualifica pa maneha e compania. Fuente Extra.

  • Prome Minister di Corsou na High Level Political Forum UN

    Prome Minister di Corsou na High Level Political Forum UN

    WILLEMSTAD — Dia 10 di juli te cu 19 di juli na New York lo bay tin e High Level Political Forum #HLPF un foro riba e nivel politico mas halto di Nacionnan Uni #UN tocante e #Agenda2030, un agenda global cu Sustainable Development Goals #SDGs adopta na September 2015 door di UN. E ultimo dos dianan (17-19 juli) lo tin e reunionnan ministerial caminda Prome Minister Rhuggenaath tabatin e honor di acepta un invitacion pa participa hunto cu Minister Ploumen (Relacionnan Internacional y Cooperacion pa Desaroyo - Hulanda) y Prome Minister William Marlin di Sint Maarten. Corsou a compromete su mes pa cu e "Agenda 2030", manera stipula den nos Plan Nacional pa Desaroyo #NDP y ya a logra desaroyonan riba e tereno di implementacion di e Sustainable Development Goals (SDGs).

  • Forza di motor di avion na aeropuerto di St Maarten a benta turista abou y mate

    Forza di motor di avion na aeropuerto di St Maarten a benta turista abou y mate

    PHILLIPSBURG – Un turista a muri diaranzon atardi despues di a dal su cabez riba un bloki, patras di e heki di e aeropuerto Princess Juliana International banda di e Maho Beach. E ta algo hopi usual cu turistanan diariamente ta bishita e area ey pa experiencia e forza di un avion ora cu nan lanta buelo. E dama tabata wanta na e heki, ora cu e forza di e motor di e avion a tire riba caya, pone cu el a dal su cabez y mande lew. Ambulance a yega pero no por haci nada mas. Na Hospital docternan a constata su morto. Foto cortesia SXM Daily Herald. 

  • Powered by SETAR