Arends: Regulacion pa radionan pa programa politico no a cambia

Arends: Regulacion pa radionan pa programa politico no a cambia
  • Hubert Maduro riba cantidad di partido participe pa e proximo eleccion

    Hubert Maduro riba cantidad di partido participe pa e proximo eleccion

    ORANJESTAD - Dia 22 di juni Conseho Supremo Electoral (CSE) a cera e registro di partido pa por participa na e proximo eleccion parlamentario di dia 22 di september proximo, cu ta cuadra cu e 3 luna di tempo stipula pa ley. Presidente saliente di e CSE Hubert Maduro ta splica NoticiaCla cuanto partido tin inscribi, cuanto por participa y cua ta e ultimo partido cu a logra inscribi prome cu e fecha. 

  • Paul Croes: Evaluando retiro completo como minister

    Paul Croes: Evaluando retiro completo como minister

    ORANJESTAD - Minister Paul Croes a kibra su silencio diasabra mainta, casi 3 luna despues cu ministerio publico a considere oficialmente un sospechoso den e caso Ibis. "Un odisea dificil pa'mi famia, amistadnan, coleganan" Croes a cuminsa na bisa. Hopi cos di e caso mes no a sali dilanti, simplemente pasobra no tin informacion cu OM ta compartiendo cu ne y su abogado Marije Vaders, cu tabata cune durante e conferencia. Loke si a resalta ta cu e ta evaluando pa tuma su retiro completo como minister, mirando cu ta durante mas largo cu a kere. Di otro banda, ela anuncia cu for di awe caba (diasabra) e ta cuminsa campaña activamente como politico/ciudadano pa e proximo eleccion y lo haci esaki den districto di Noord. 

  • De Sousa: Ta bolbe riba lista AVP pa grupo vulnerable di comunidad

    De Sousa: Ta bolbe riba lista AVP pa grupo vulnerable di comunidad

    ORANJESTAD - Desiree de Sousa Croes ta bolbe toch riba lista di AVP pa e proximo eleccion. E mes a confirma esaki pa NoticiaCla awe, cambiando asina su pensamento di un aña pasa cu e tabata cla cu politica. Gran parti di e desicion tabata e rechaso di su propio coleganan di fraccion pa e tema di union civil y derechonan pa e grupo LGBT (Lesbian, Gay Bisexual and Transgender).  Pero tambe a haci un apelacion riba dje pa keda, mirando cu tabatin hendenan cu a bandona e partido y mester di hende fuerte pa mantene e partido. Entre otronan cu tambe a keda toch, tin Clarisca Velazquez, y actual ministernan Schwengle y Bermudez. Tur tres e portal aki a raporta riba nan cambio di desicion. 

  • Dos minister cu no tabata pa bolbe, dispuesto pa keda toch

    Dos minister cu no tabata pa bolbe, dispuesto pa keda toch

    ORANJESTAD - Dos minister di AVP ta dispuesto y kier bolbe den un eventual gobernacion di signatura cu AVP aden. Ambos no tabatin plan pa continua, pero awor ta pensa otro. Minister Alex Schwengle a bisa hopi cla na comienso di su carera como minister cu e t'ey pa un solo termino, ya cu su profesion ta docter. Angel Bermudez no ta politico y a bisa cu e ta bin sirbi pueblo tanten cu e partido na mando haci un apelacion riba dje. Tanto Bermudez como Schwengle a bisa NoticiaCla cu nan ta cla pa bin bek den nan funcion. Cada uno tin nan condicion claro. 

  • Schwengle: Haci AZV independiente ta wishful thinking

    Schwengle: Haci AZV independiente ta wishful thinking

    ORANJESTAD - 'Wishful thinking' ta loke minister di Salud Alex Schwengle a bisa NoticiaCla riba e pensamento pa haci AZV autosuficiente y financieramente independiente. E ta basa su mes riba e sugerencia di entre otro College Aruba Financieel Toezicht (CAft) su ultimo rapport, pero cu segun Schwengle ta bisa ta nada nobo. "E tema no ta di awor, ta aña den aña afo. Tur aña bo ta tende mesun cos di Raad van Advies (RvA) tambe y CAft" e mandatario a bisa. E aña aki CAFt ta relata cu tin un discrepancia riba e suma cu AZV mester, y cu mester wak si por independisa y haci'e financieramente autosuficiente. 

  • Minister Paul Croes: Mi ta inocente di cualkier acusacion

    Minister Paul Croes: Mi ta inocente di cualkier acusacion

    ORANJESTAD - "Mi ta inocente di cualkier acusacion" asina minister Paul Croes a bisa su campañadornan e siman aki den un apariencia unico dilanti su campañadornan. Croes, cu ainda ta sospechoso den caso di fraude y soborno pa asunto di permiso, a presenta y informa nan di su situacion legal, y su plannan pa eleccion proximo.  Notabel ta e forma con Croes a papia riba su caso, y bisa cu e tin 'deseo di continua den politica' y cu 'nan (OM) lo no strob'e di esaki tampoco'. Mientras cu e ta dispuesto pa bay eleccion, e tin cu tene cuenta cu e aspecto di investigacion. Otro siman tin un conferencia di prensa cu su abogado, pa e splica publicamente kico tur ta pasando cu ne riba e tereno legal y electoral.

  • Powered by SETAR