- Presion di CAFt a pone gobierno kita 16 miyon pa RWZI di e prespuesto
- Presentadora di television Hulandes a tende di su Condecoracion Real mientras cu e ta na Aruba
- Condecoradonan a ricibi nan ‘cinta’ pa nan esfuerso y dedicacion boluntario na pais Aruba
- Conocido presentadora di programa Sinterklaas Journaal mester laga amputa su nanishi
- Cantidad di hende condecora na Corsou ta hopi menos cu Aruba e aña aki
Gilles Filiatreault apunta pa bira proximo CEO di InselAir
WILLEMSTAD/ORANJESTAD - E persona cu ta poni pa maneha e compania aereo InselAir International y InselAir Aruba ta e Canades Gilles Filiatreault, actual CEO di e aeroliña Air Madagascar. Fuentenan cerca di e proceso di cambio na InselAir ta indica cu Filiatreault lo mester inicia su labor como CEO temporal na InselAir International y como presidente di InselAir Aruba entrante 15 di januari proximo. E ta bira e persona cu lo tin cu restructura e compania segun plan cu gobierno y aeroliña a yega na acuerdo cu ne. Filiatreault lo tin cu maneha e compania pa un periodo cu no ta defini ainda.
RESTRUCTURACION
Manera NoticiaCla.com a raporta caba, recientemente e aeroliña a ricibi su prome injeccion di 3 miyon florin manera palabra. A cambio, mester a bin ayudo di maneho di afo temporal. A pone dos persona di gobierno den e hunta di directiva y entre e 4 personanan (2 di gobierno dos di InselAir, a scoge e persona cu ta bay maneha e compania). E actual CEO Albert Kluyver lo haya e funcion di accountable manager.
SITUACION ALGUN SIMAN ATRAS
'No tin ningun proposicion, ni discusion ni cita cu accionistanan di InselAir y como tal, cualkier speculacion con e envolvimento di gobierno (di Corsou) lo ta den operacion y directiva di supervision di e compania, ta incorecto'. Asina e CEO di InselAir International Albert Kluyver a manda bisa tur e empleadonan di e compania ultimo siman di december 2016 pa medio di un memo interno cu NoticiaCla.com a logra pone su man ariba. E memo ta a rais di e hecho cu for di ayera cu e decision a keda anuncia cu gobierno lo haya un tarea participativo den e compania, rumornan a cuminsa core di kico exactamente esaki lo ta.
HALA DIRECTORNAN UN BANDA
Mas tempran, NoticiaCla.com for di su fuentenan cu ta cerca di e compania, a desmenti cu e deal nobo cu gobierno ta encera cu lo 'hala directornan actual un banda y pone un director di afo'. Esey no ta corecto segun e fuentenan a sigura e portal aki. Cu e memo interno, esaki ta wordo reitera un biaha mas. Fuera di e clarificacion aki, e memo ta mas bien splica mas di e deal cu gobierno a yega na dje pa yuda e compania aereo.
ENVOLVIMENTO DI GOBIERNO
E memo ta haci mencion cu enberdad gobierno lo tin un cierto grado di envolvimento den e compania y influencia den e maneho y supervision di e compania. "Ta premira cu esaki lo ta den forma cu gobierno su postulacion di varios posicion adicional den e directiva di supervision y of gerencia" e memo ta sigui bisa. "Pero e posicionan ey mester wordo discuti y aproba pa e accionistanan hunto cu gobierno" e memo ta finalisa bisando.
Travel& Leisure: Aruba ta top lista di 10 resortnan all-inclusive den Caribe
ORANJESTAD – Danki na un di e hotelnan all-inclusive na Aruba, nos isla ta na prome lugar di e top 10 di miho All-inclusive resorts pa famia den Caribe. Por lo menos segun e portal Travel & Leisure. Ta trata di e resort Tamarijn Aruba. Segun e articulo en cuestion, loke ta haci e diferencia den e destinacionan Caribense, ‘ta e abundancia di resortnan increibel all-inclusive’. E ta un forma perfecto pa famia por disfruta. Y ta describi tur e loke e turista por goza di dje. Mester bisa cu e resultado di e top 10 ta basa riba experiencia personal di e escritor di e portal turistico.
KVK: Mayoria compania ta pensa cu e scarsedad di trahado lo empeora
ORANJESTAD – Mayoria compania ta pensa cu e scarsedad di trahado na Aruba lo empeora. Asina Camara di Comercio ta raporta diaranson.
Mas turista Colombiano ta biahando pa Corsou envez di Aruba den 2024
BOGOTA – Mas turista Colombiano a bay Corsou envez di Aruba. Asina presidente ehecutivo di Asociación Colombiana de Agencias de Viajes y Turismo, (ANATO), Paula Cortés Calle ta raporta segun un raportahe di e portal Colombiano El Nuevo Siglo ta raporta. Mientras cu paisnan manera Merca, Spaña, Panama y Republica Dominicano ta conta pa 69% di e Colombianonan cu ta biaha pa exterior, e pais cu mas crecemento ta Corsou cu 157% di participacion, compara cu Aruba cu tin ‘apenas’ 63%. Hasta Hulanda tin mas trafico di Colombia, na 81%. Pero ta sigui Aruba cu 47% y Panama cu 44%. Segun ANATO, e prome trimester di 2024, 1.345.687 Colombiano a biaha pa exterior, cu ta un aumento di 13%, compara cu e mesun periodo aña pasa. “E resultadonan positivo aki ta refleha e recuperacion di turismo saliente, cu ta beneficia e industria relaciona, den e area, hotel y restaurant, entre otro” Cortés Calle a finalisa bisando.
Pa aña 2024 y 2025, ATIA lo enfoca mas riba e tema laboral
ORANJESTAD - Diabierna 19 di april 2024, Aruba Trade and Industry Association (ATIA) a tene su reuniun general di miembrecia den e sala di conferencia di ATIA.
Aruba Bank ta presenta un serie di entrevista cu su Mortgage Advisors – “Caweta di Hipoteca”
A.T.A: Turismo ‘stayover’ pa Aruba a crece cu mas di 25% den maart 2024
ORANJESTAD - Den e prome kwartaal di 2024, a conta cu cifranan prometedor pa turismo como e pilar di entrada primordial y di suma importancia pa economía di Aruba. Asina e oficina di turismo di Aruba ATA, a bisa den un comunicado. A.T.A. ta pone hopi enfasis riba e modelo di “High Value-Low Impact” cu ta para pa un balans entre cuater pilar cu ta e ‘Calidad di Bida di e residente’, ‘Calidad di Experiencia di e Bishitante’, Proteccion y Preservacion di Naturalesa & Medio Ambiente, y Contribucion Economico di e Sector Turistico’. E meta ta pa sigui mantene esfuerzonan den linea segun e balans menciona, y logra aumenta e entrada proporcionalmente mas cu e volumen cu nos destinacion ta ricibi. Capacidad di carga tambe ta sigui ricibi atencion di parti di A.T.A. di diferente manera.
Follow NoticiaCla
