Ex internacional di futbol Andre Ooijer a goza di Aruba atrobe

ORANJESTAD – Durante e ultimo 5 simannan e ex internacional di futbol hulandes Andre Ooijer tabata na Aruba atrobe pa disfruta di su vacacion. Banda di actual internacional Dirk Kuyt, Ooijer tambe ta bishita Aruba tur aña y ta encanta cu e isla aki. “Te otro anja atrobe!” su casa Joyce a laga sa ora cu nan a bandona e isla e siman aki. Pa Ooijer Aruba a bira manera un di dos cas. E biaha aki NoticiaCla.com a tuma nota di su bishita danki na amigonan serca di Ooijer, Gert-Jan Kemps cu a pasa hopi tempo cune na Aruba. 

Ooijer den pasado a bishita Aruba caba como futbolista activo, y a duna clinica riba nos isla tambe. E ta casa cu yiu muhe di ex international Willy vd Kerkhof cu tabata den e seleccion hulandes cu a hunga mundial di futbol na Argentina na 1978. Ooijer tin dos yiu, Demi y Danique, y un otro di un otro matrimonio. Actualmente Ooijer ta director deportivo di e club di Cyprio Anorthosis Famagusta F.C , cu cual e la firma un contracto na april di e aña aki. Dos anja pasa e la hunga su ultimo partido cu FC Ajax contra Vitesse. E la hunga 55 biaha pa Hulanda y a hinca 3 goal den e periodo ey. Fotonan ta cortesia di Gert-jan Kemps.