CITGO Aruba mester busca 'fuente externo' pa financia refineria na Aruba

CITGO Aruba mester busca 'fuente externo' pa financia refineria na Aruba

Posted on 06/16/2016 11:33 am AST | Updated on 06/16/2016 11:56 pm AST

HOUSTON - Tin indicacion cu no ta CITGO Petroleum lo financia e 450 pa 650 miyon dollar manera cu e comunicado oficial di CITGO ta bisa. Den nan comunicado, ta papia pa cuminsa di un suma menos cu 1 biyon dollar, y cu esaki lo 'wordo obteni di fuentenan externo financiero', indicando cu e compania local na Aruba (cu ta cay bou di PDV Holding,  subsidiario di PDVSA y ta wordo acesora pa CITGO Petroleum na Merca) tin cu bay busca financiamento pa e proyecto aki. Ademas e comunicado ta referi na e parti di gas, como un proyecto 'complementario bou di consideracion' cu ta nifica cu mientras cu ta papia enberdad di 'reduci gastonan di energia significativo', e ta 'wordo evalua pa cu e meta aki'. Esey ta nifica cu e no ta un done deal cu ta confirma e MOU cu a wordo firma. Gobierno ta bisa sinembargo cu ta trata di un parti huridico y ta splica esaki den un otro forma. Pues e parti cu mester ta esun mas importante di e deal, esta uzo di gas pa haci e refineria berde, ainda no ta concretisa y ta awor ta bay evalua esaki. Esey ta nifica cu e costonan pa cu e tuberia tampoco ta confirma. Minister de Meza como defensa e siman aki a bisa, cu tin un acuerdo firma y cu awor CITGO ta mara na esaki y tin cu cumpli. Por lesa e comunicado di CITGO aki

 

  • Union Europeo lo mantene su frontera cera pa Merca

    Union Europeo lo mantene su frontera cera pa Merca

    LONDON  — Union Europeo ta tene su frontera cera pa Merca, pero ta habri esaki pa un lista di 15 pais. Asina a keda confirma diamars manera programa. Diaranson paisnan di Union Europeo ta habri nan frontera pa mundo, pero pues, Merca no ta riba e lista pasobra e brote no ta bou control eynan ainda, segun oficialnan Europeo a bisa diamars mainta. E 27 paisnan di Union Europeo a formula e lista di paisnan cu ta mustra un nivel di virus suficientemente abou pa permiti nan entrada na Union Europeo. E lista aki porfin a keda publica diamars merdia ora di Hulanda. E paisnan cu ta riba e lista ta e.o. Algeria, Australia, Canada, Georgia, Japon, Montenegro, Morocco, New Zealand, Rwanda, Serbia, Sur Korea, Thailand, Tunisia y Uruguay. China lo por ta riba e lista, pero solamente si e permiti biaheronan di Union Europeo pa biaha pa e pais asiatico tambe. Merca, no ta riba e lista. Potret cortesia di Mario Tama / Getty Images

  • Turistanan ta reta Antigua cu demanda legal riba test pa COVID-19

    Turistanan ta reta Antigua cu demanda legal riba test pa COVID-19

    ST JOHN – Reapertura di frontera na Antigua a crea retonan pa e isla cu turistanan Mericano. Prome minister Gaston Browne a bisa cu turistanan a crea un reto serio pa e gobierno cu lo conduci na cambio di protocol. Turistanan lo ta menasando cu caso legal riba e rekisito pa haci un test di COVID-19 ora cu nan yega Antigua. Ademas, e prome mandatario a revela cu algun turista cu a test positivo dos siman pasa, a boek buelo di regreso pa Merca e siguiente dia. Pues nan a opta pa no keda e isla. E ta bisa cu turistanan ta argumenta cu tanto e test y e resistencia di oficialnan di salud pa no permiti nan bandona e pais despues cu e test sali positivo, ta un violacion di nan derecho. E premier a bisa cu e cambio di protocol lo permiti bishitantenan pa test prome cu e turista yega Antigua. Potret cortesia di Antiguanewsroom.com

  • Compania di Mexico cla pa tuma refineria di Aruba over

    Compania di Mexico cla pa tuma refineria di Aruba over

    MEXICO CITY – E compania Mexicana de Fusiones y Adquisiciones, ta interesa pa bira e operador di e refineria na Aruba. Y esaki nan a laga prome minister di Aruba sa tambe.  Asina e portal mexicano el financiero.com.mx ta raporta. E intencion tabata pa nan traha un refineria na Mexico mes, pa por procesa fuel oil y crudo, pero no ta hayando atencion di gobierno. Mirando esey, a dicidi cu nan ta bay cambia di lugar y move nan plan pa Aruba. Ta trata di un inversion di 900 miyon dollar. “Nos tin e tecnologia y nos tin e inversionista. Pero nos no ta mira mucho futuro akin a Mexico” Guillermo Tapia, presidente di e compania a bisa. E compania ta haya sosten di forza financiero mexicano y dos di China.  

  • Actriz Argentina a hala hopi atencion cu su potret na Aruba riba instagram

    Actriz Argentina a hala hopi atencion cu su potret na Aruba riba instagram

    BUENOS AIRES – E actriz Argentina Ailén Bechara (30) a usa su potretnan di vacacion na Aruba pa mustra su ‘cansansio’ di e cuarentena cu e ta aden, debi na COVID-19. E actriz tabata di vacacion na Aruba algun tempo atras, y a saca algun potret masha ‘provocador’ di dje den laman riba nos isla. Ayera el a publica esaki, cu e texto cu e no ta wanta mas y kier sali di e cuarentena. E bon di esaki ta cu e tin 2.1 miyon fanatico cu ta siguie riba Instagram, cu ta unda cu e la pone e potret. Por considera esaki como un tremendo promocion pa Aruba, no obstante e hecho cu e mercado Latino Americano no por bula pa Aruba ‘por lo pronto’. E actriz tin e capacidad di cada bez crea un ‘revolucion’ riba Instagram ora cu e post su potretnan exotico. Den e caso di ayera, el a pone un potret pa recorda Aruba, estil ‘Time Back Thursday #tbt. El a pone e texto, ‘Mi jueves de #tbt den el paraiso LPM no aguanto mas esta cuarentena. Necesito ver, estar con mi familia, amigas, amigos. Volver volver volver. #aruba. No ta prome biaha cu artistanan internacional famoso ta pone potret di nan experiencia na Aruba, riba rednan social y asina ta duna nos isla un promocion extra. 

  • Mericano cu a biaha hopi biaha pa Aruba cu placa horta, awor ta bay prison

    Mericano cu a biaha hopi biaha pa Aruba cu placa horta, awor ta bay prison

    INDIANAPOLIS – Un muher Mericano cu a horta placa y usa esaki pa biaha varios biaha pa Aruba, a keda sentencia na 3 aña di prison. El a horta mas di mei miyon dollar mientras cu e tabata maneha e parti financiero pa un negoshi chikito. E muher en cuestion Kenya D (51), durante un periodo di 4 aña y mei a horta e placa door di transferi esaki y laba e fondo, pa por a biaha varios biaha pa Aruba, cumpra joyas caro y hiba un bida luhoso. Fuera di e castigo, e mester paga tur cos bek. 

  • Temporada di baseball Grandes Ligas na Merca ta cuminsa otro luna!

    Temporada di baseball Grandes Ligas na Merca ta cuminsa otro luna!

    NEW YORK – Baseball professional na Merca ta cuminsa un temporada adapta fin di otro luna. Asina e comisionado di Baseball Robert Manfred Jr a bisa e siman aki. Ta trata di probablemente un temporada adapta di 60 wega, cu ta inicia sea dia 23 of 24 di juli proximo. E anuncio a bin despues cu e asosacion di hungadornan a acepta e protocol di seguridad y salud cu lo guia e regreso di MLB relaciona cu e pandemia di COVID-19. Cu esaki, hungadornan lo raporta pa nan campo di entrenamiento entrante 1 di juli proximo. E schedule di wega ta encera grandemente den weganan di division, cu e final hungando e opositornan segun e division geografico, p.e. Oost vs Oost, y West vs West pa limita mas biahe posibel. Mayoria di e ekiponan lo entrena na parkenan di bala den nan propio ciudad. Un temporada normal lo mester a cuminsa for di comienso di april y termina fin di October. Pero awor, esaki ta limita grandemente y ta cuminsa fin di juli, y ta bay pa 60 wega na tur. Esaki ta nifica cu pa fin di September e temporada lo mester ta cla. 

  • Powered by SETAR