No ta bay den discusion si PDVSA miho inverti na Aruba of Venezuela

ORANJESTAD - Gobierno di Aruba a actua hopi reserva riba e comentario di parlamentario Venezolano Elías Matta, relaciona cu e declaracion cu e deal cu CITGO lo ta ilegal. "Esey ta un asunto interno" de Meza a bisa dialuna mainta y no kier a bay den detayes riba e asunto ey. E cuestion cu Venezuela lo miho inverti na Venezuela mes en bes di Aruba, de Meza ta laga pa e politiconan eynan y a sigura solamente cu tin garantia cu CITGO lo mester inverti na Aruba. A sigura cu tin garantia cu ken ta bay opera y cuanto y tambe si kibra e contract kico e consecuencianan lo bay ta. 

KEHO DI MIEMBRO DI ASAMBLEA NACIONAL

NoticiaCla.com a reproduci e declaracion di Matta, cu a bisa cu gobierno di Venezuela a firma convenio cu Aruba sin consulta cu Asamblea Nacional. Vice presidente di comision di energia y petrolio di e Asamblea Nacional Elías Matta a critica diadomingo segun e corant Diario de Caracas. E ta referi na e convenio firma pa medio di e compania CITGO. Segun Matta, Asamblea Nacional no tin ningun informacion riba esaki."E informacion no a yega cerca nos y nos no conoce e condicion den cual e refineria ta" Matta a bisa. "Venezuela ta pretende di uza e refineria aki como un mehorador di crudo pa eleva e costo di bari pa medio di e mehorado aki