CITGO ta bay di acuerdo pa converti refineria pa gas

CITGO ta bay di acuerdo pa converti refineria pa gas

Posted on 01/18/2016 12:44 am AST | Updated on 01/18/2016 7:48 am AST

ORANJESTAD - Citgo su tumamento over di e refineria na San Nicolas a yega un paso mas cerca. Segun Prome Minister Mike Eman, e negoshacionnan entre e cumbre di e compania di zeta di Texas y Minister di Energia Mike de Meza siman pasa a bai asina bon, cu entre otro lantamento di un sociedad anonimo, cu na nomber di Aruba ta tuma e refineria over awor ta ‘un kestion di haci ‘e’. Fin di maart lo firma un acuerdo definitivo. Entretanto mas detaye importante rond di e tumamento over ta bira cla. Ora cu pais Aruba tuma e refineria over, e obligacion di e doño actual Valero pa desmantela e refineria ta caduca.

INVERSION

Pa e acuerdo nobo cu Citgo, ainda tin deliberacion tocante den ki medida e compania di zeta lo ta responsabel pa un eventual desmantelacion. Segun Eman, Citgo ta papia di un inversion di entre 600 y 800 miyon dollar pa hasi e refineria completamente operacional atrobe. Citgo ta bai di acuerdo definitivamente cu e intencion pa laga e refineria traha riba gas. Ei lo mira e posibilidadnan pa laga entrega e gas via un pipa for di Venezuela. Por sigui pasa e pipa aki pa e refineria Isla na Corsou.

LIMA

Citgo ta bai di acuerdo tambe, pa colecta gas di escape na un ‘escala industrial’ pa cria lima cu esaki, y cu e lima produci otro producto. Segun Eman, e refineria na San Nicolas cu esaki ta bira ‘un di e poco camindanan na mundo, caminda tin e actividad aki na un escala asina grandi’. Ta e intencion pa Citgo lease e refineria binti aña di Aruba, pa un suma di entre diessinco pa 20 miyon dolar pa aña. Ademas tin riba mesa, cu Citgo lo bai paga minimalmente 10 miyon dolar na belasting cada aña. Nan predecessor Valero, tambe tabata haci esaki despues di e ‘settlement agreement’ cu Gobierno Arubano a drenta na vigor na 2010.

RINCON

Pa loke ta e supuesto lasonan entre su gabinete y e comerciante Venezolano Roberto Rincon cu a detene pa fraude, Eman ta bisa: “E tempo ey a acerca Rincon pa motibo di su contactonan cu Citgo y su empresa mama, e compania di zeta di estado venezolano PdVSA. Ta lastima cu e cos a caba asina cu señor Rincon.” E ta declara cu el a papia cu Rincon un biaha so y cu Rincon mes na un dado momento tabata interesado pa tuma e refineria over. E echo cu nan no a topa mas cu un biaha lo no tin nada di hasi cu un opinion di su banda tocante e comerciante Venezolano, pero cu e echo cu e mes tabata menos ocupa cu e refineria cu otro minister.

Autor Ariën Rasmijn Ret Karibense

  • Oduber: Aeropuerto ta implementa algun regla pa facilita e fluho di pasahero den high season

    Oduber: Aeropuerto ta implementa algun regla pa facilita e fluho di pasahero den high season

    ORANJESTAD –Tin algun cambio na aeropuerto na momento di bay check-in pa un vuelo, manera a keda anuncia recientemente. Ta asina cu desde 1 di december te cu 12 di maart 2022 aeropuerto ta implementando algun regla nobo pa e temporada di high season cu ta uno hopi druk na aeropuerto. E regla nan aki ta pa regula e fluho di pasahero den e sala di salida di Estados Unidos, e ta yama “Passenger Flow Control”.

  • DIMP: Facilidad di KOR ta yuda comerciantenan chikito di pago di impuesto

    DIMP: Facilidad di KOR ta yuda comerciantenan chikito di pago di impuesto

    ORANJESTAD – Comerciantenan chikito por haci un areglo pa paga menos impuesto. Asina vocero di departamento di impuesto DIMP Meverly Romano a bisa e siman aki. Ta trata di un areglo cu ta data di aña 2019 caba, yama KOR (Kleine Ondernemers Regeling) cu ta regla den leynan di BBO, BAVP y BAZV. E ta un areglo pa comerciante chikito cu ta un ‘natuurlijk persoon’. Por pensa riba un ‘eenmanszaak’, manera Taxista, Autobus Chauffeur, restaurant chikito of café of kapsalon. Tin mas categoria chikito cu por bin na remarke di esaki. 

  • DIMP: Tin 16% number di auto cu impuesto no ta paga pa 2021

    DIMP: Tin 16% number di auto cu impuesto no ta paga pa 2021

    ORANJESTAD – Tin actualmente 89.489 number di auto registra na Aruba segun Departamento di Impuesto (DIMP) . E ta aumenta cada aña segun DIMP. Actualmente tin tambe 81% di e cantidad cu tin pago completo haci pa impuesto pa 2021. Esaki ta traduci den 72.373 number paga. Asina cu pasa 80% di numbernan paga, ta bisa cu Aruba ta den bon caminda. Algun siman ainda nos tabata na 22% di ‘non compliance, esta numbernan no paga, y esaki a bira 16%. 

  • Allianze Partners: Aruba ta den top 5 destinacion pa Mericanonan biaha e luna aki

    Allianze Partners: Aruba ta den top 5 destinacion pa Mericanonan biaha e luna aki

    MIAMI – Fuera di Mexico y Jamaica, Aruba ta e destinacion mas popular pa Mericanonan biaha e winter aki, unda cu segun e portal di Allianze Partners USA, tin un aumento di 34% di biahe di Mericanonan den e proximo 3 simanan, compara cu 2020. Aruba ta den e top 5 di destinacionan internacional, technicamente na di 5 lugar (den top 10), pero den practica, na di 3 lugar, si tene cuenta cu e prome tres lugarnan ta destinacionan tur ubica na Mexico, sigui pa Jamaica. Aruba ta prome cu London, Bahamas, Republica Dominicana, Turks & Caicos, y hasta Paris. Pues un grupo basta privilegia. 

  • Jacobs: SVB ta paga pensioen di december y bonus di fin di aña

    Jacobs: SVB ta paga pensioen di december y bonus di fin di aña

    ORANJESTAD - December ta e luna cu SVB tin e payroll di mas grandi. Manera ta conoci pensioen di SVB ta wordo paga tur comienso di luna, pues pa december esaki ta 1 di december. E ley di AOV/AWW ta bisa cu pensionadonan di AOV/AWW tin derecho riba bonus cu ta 75% di e pensioen cu nan ta cobra tur luna.1 di december SVB ta paga e pensioen hunto cu bonus, pues diamars 30 di november SVB a manda e ordo di pago trempan (23 miyon na pensioen y 15 miyon na bonus), pa tur banco asina Director di SVB Edwin Jacobs a informa. Esnan cu ta cobra via ATM ya dia 30 atardi por tabatin acceso na esaki. E hecho cu SVB ta dispone di e fondonan ta grandemente debi na e desaroyo cu a conoce despues di e pandemia. Despues cu na maart 2020 a conoce e lockdown y april a bira mas bisto na nivel macro/socio-economico e efecto cu e pandemia tin pa e pais. 

  • Aerolinea Sunclass lo cuminsa bula pa Aruba den winter 2022/23

    Aerolinea Sunclass lo cuminsa bula pa Aruba den winter 2022/23

    STOCKHOLM – E aerolinea Sueco Sunclass lo cuminsa bula pa Aruba den winter di 2022/23. Asina e compania Ving AB, un compania di tour Sueco a anuncia. Nan a firma un contracto cu Air Lease Corporation pa un avion A330-900, cu lo wordo opera pa su subsidiario Sunclass Airlines medio 2022. E avion originalmente tabata destina pa XL Airways France cu a bati bancarota na 2019 y Starlux cu eventualmente a dicidi di warda cu e tipo di avion ey. 

  • Powered by SETAR